Story Dated: Tuesday, January 20, 2015 04:16
കല്‍പ്പറ്റ: വീട്ടമ്മയെ വീട്ടില്‍ കയറി ഉപദ്രവിക്കാന്‍ ശ്രമിച്ച കേസില്‍ പെരുന്തട്ട സ്വദേശിയും കരാട്ടെ പരിശീലകനുമായ യുവാവിനെ പോലീസ്‌ അറസ്‌റ്റു ചെയ്‌തു. പെരുന്തട്ട എസ്‌റ്റേറ്റ്‌ നിവാസി ത്യാഗരാജന്റെ മകന്‍ സതീഷ്‌കുമാറി(26)നെയാണ്‌ കല്‍പ്പറ്റ പോലീസ്‌ ഇന്നലെ അറസ്‌റ്റ് ചെയ്‌തത്‌. ബത്തേരി മജിസ്‌ട്രേറ്റ്‌ കോടതിയില്‍ ഹാജരാക്കിയ ഇയാളെ റിമാന്‍ഡു ചെയ്‌തു. പെരുന്തട്ടയില്‍ കുടുംബ സമേതം താമസിക്കുന്ന സ്‌ത്രീയെ ഇയാള്‍ ഏറെ നാളായി ശല്യപ്പെടുത്തിയിരുന്നു. കഴിഞ്ഞ ദിവസം രാത്രി വീട്ടില്‍ അതിക്രമിച്ച്‌ കയറിയാണ്‌ വീട്ടമ്മയെ ഉപദ്രവിക്കാന്‍ ശ്രമിച്ചത്‌. ഇതേ തുടര്‍ന്ന്‌ വീട്ടമ്മ ആശുപത്രിയില്‍ ചികില്‍സ തേടുകയും തുടര്‍ന്ന്‌ ഇവര്‍ പോലീസില്‍ പരാതി നല്‍കുകയുമായിരുന്നു.
from kerala news edited
via IFTTT
