Story Dated: Tuesday, January 20, 2015 03:58
വാഷിംഗ്ടണ്‍: പ്രസിഡന്റ് ബരാക് ഒബാമയുടെ ഇന്ത്യാ സന്ദര്‍ശന വേളയില്‍ ഭീകരാക്രമണം പാടില്ലെന്ന് യു.എസ് മുന്നറിയിപ്പ് നല്‍കിയെന്ന് റിപ്പോര്‍ട്ട് പാകിസ്താന് തള്ളി. ഇത്തരമൊരു മുന്നറിയിപ്പ് ലഭിച്ചിട്ടില്ലെന്ന് യു.എസിലെ പാക് അംബാസഡര്‍ ജലീല്‍ അബ്ബാസ് ജിലാനി പറഞ്ഞു. കാര്യങ്ങളെ അതിശയോക്തിയോടെയും പെരുപ്പിച്ചും കാണിക്കുന്ന പ്രവണത ഇന്ത്യയിലെ മാധ്യമങ്ങള്‍ക്കുണ്ട്. ഭീകരതയ്ക്കും തീവ്രവാദ പ്രവര്‍ത്തനത്തിനുമെതിരെ രാജ്യം സ്വീകരിക്കുന്ന നടപടിയെ കഴിഞ്ഞയാഴ്ച പാകിസ്താന് സന്ദര്‍ശിച്ച സ്‌റ്റേറ്റ് സെക്രട്ടറി ജോണ്‍ കെറി അഭിനന്ദിക്കുകയാണുണ്ടായതെന്നും അദ്ദേഹം പറഞ്ഞു.
കഴിഞ്ഞ ദിവസം ഒരു ഇന്ത്യന്‍ വാര്‍ത്ത ഏജന്‍സിയാണ് യു.എസ് പാകിസ്താന് മുന്നറിയിപ്പ് നല്‍കിയെന്ന റിപ്പോര്‍ട്ടു പുറത്തുവിട്ടത്. ഒബാമയുടെ ഇന്ത്യാ സന്ദര്‍ശന വേളയില്‍ ഭീകരാക്രമണം നടന്നാല്‍ പാകിസ്താന് പ്രത്യാഘാതം നേരിടേണ്ടിവരുമെന്ന് മുന്നറിപ്പ് നല്‍കിയെന്നായിരുന്നു റിപ്പോര്‍ട്ട്. മറ്റു മാധ്യമങ്ങളും ഇത് റിപ്പോര്‍ട്ടു ചെയ്തിരുന്നു.
തീവ്രവാദ സ്വഭാവമുള്ള എല്ലാ ഘടകങ്ങളെയും പാക് മണ്ണില്‍ നിന്ന് പിഴൂതെറിയുന്ന നടപടിയാണ് സ്വീകരിച്ചുവരുന്നത്. മറ്റു രാജ്യങ്ങള്‍ക്കെതിരൊയ പോരാട്ടത്തിന് പാക് മണ്ണ് ഒരിക്കലും അംഗീകരിക്കില്ലെന്നും ജലീല്‍ പറഞ്ഞു.
from kerala news edited
via IFTTT
