Story Dated: Monday, April 6, 2015 02:38
രാമനാട്ടുകര: ഗ്രാമപഞ്ചായത്തിന്റെ ആഭിമുഖ്യത്തില്‍ നടക്കുന്ന രാമനാട്ടുകര ഫെസ്‌റ്റ് ഗ്രാമോത്സവത്തിന്‌ വര്‍ണാഭമായ തുടക്കം. രാമനാട്ടുകര ഗവ. യു.പി.സ്‌കൂളില്‍നിന്നു തുടങ്ങിയ ഘോഷയാത്രക്ക്‌ പാമ്പാടി രാജന്‍ ഗജവീരനും ശിങ്കാരി മേളവും ദഫ്‌ മുട്ടുംബുള്ളറ്റ്‌ റാലിയും അകമ്പടിയേകി. വിവിധ വാര്‍ഡുകളിലെ കുടുംബശ്രീ പ്രവര്‍ത്തകരും ഘോഷയാത്രയില്‍ അണിനിരന്നു.
ബ്ലോക്ക്‌ പഞ്ചായത്ത്‌ പ്രസിഡന്റ്‌ റീന മുണ്ടേങ്ങാട്ട്‌, രാമനാട്ടുകര ഗ്രാമപഞ്ചായത്ത്‌ പ്രസിഡന്റ്‌ എന്‍.സി. ഹംസക്കോയ, വൈസ്‌ പ്രസിഡന്റ്‌ വി.എം.പുഷ്‌പ, ജില്ലാ പഞ്ചായത്ത്‌ മെമ്പര്‍ ഒ.ഭക്‌തവത്സലന്‍, ബ്ലോക്ക്‌ മെമ്പര്‍ മാരായ കെ.ടി.റസാഖ്‌ തുടങ്ങി സാമൂഹിക സാംസ്‌കാരിക രംഗത്തെ നിരവദി പേര്‍ നേതൃത്വം നല്‍കി. ചെത്തുപാലത്തിനു സമീപം പ്രത്യേകം തയ്ായറാക്കിയ നഗരിയിലാണ്‌ ആരോഗ്യ വിദ്യാഭ്യാസ കാര്‍ഷിക വ്യാവസായിക വാണിജ്യ വിനോദ കലാ സാംസ്‌ക്കാരിക പ്രദര്‍ശനം ഒരുക്കിയത്‌ നാല്‍പതോളം സ്‌റ്റാളുകള്‍ ഉണ്ട്‌ .സര്‍ക്കാര്‍, അര്‍ധസര്‍ക്കാര്‍ സ്‌ഥാപനങ്ങളുടേയും വ്യാപാര സ്‌ഥാപനങ്ങളുടേയും പവലിയനുകള്‍, ഫ്‌ളവര്‍ ഷോ, സ്‌റ്റേജ്‌ ഷോ, അക്വാപെറ്റ്‌ ഷോ തുടങ്ങി വിനോദ വിജ്‌ഞാന പരിപാടികളും ഒരുക്കിയിട്ടുണ്ട്‌.30 രൂപയാണ്‌ പ്രവേശന ഫീസ്‌. ഫെസ്‌റ്റിന്റെ ലാഭം പഞ്ചായത്തിന്റെ പരിരക്ഷ പാലിയേറ്റീവ്‌ കെയര്‍ പ്രവര്‍ത്തനങ്ങള്‍ക്ക്‌ വിനിയോഗിക്കും. ചടങ്ങ്‌ ബ്ലോക്ക്‌ പഞ്ചായത്ത്‌ പ്രസിഡന്റ്‌ റീന മുണ്ടേങ്ങാട്ട്‌ ഉദ്‌ഘാടനം ചെയ്‌തു. രാമനാട്ടുകര ഗ്രാമ പഞ്ചായത്ത്‌ പ്രസിഡന്റ്‌ എന്‍.സി.ഹംസക്കോയ അധ്യക്ഷത വഹിച്ചു.
from kerala news edited
via IFTTT
