Story Dated: Friday, April 3, 2015 03:30
പട്ടാമ്പി: പട്ടാമ്പി പോലീസ്‌ സ്‌റ്റേഷനോടനുബന്ധിച്ച്‌ നിര്‍മ്മിച്ച ട്രാഫിക്‌ പോലീസ്‌ സ്‌റ്റേഷന്‍ കെട്ടിടത്തിന്റെ ഉദ്‌ഘാടനം നാളെ രാവിലെ 10 ന്‌ ആഭ്യന്തരമന്ത്രി രമേശ്‌ ചെന്നിത്തല നിര്‍വ്വഹിക്കും. സി.പി. മുഹമ്മദ്‌ എം.എല്‍.എ അധ്യക്ഷനാകും. പട്ടാമ്പി പോലീസ്‌ സ്‌റ്റേഷനോട്‌ ചേര്‍ന്ന്‌ നിര്‍മ്മിച്ച പുതിയ കെട്ടിടം അത്യാധുനിക സൗകര്യങ്ങളോടു കൂടിയതാണ്‌. 2014 ആഗസ്‌റ്റ് 30 ന്‌ ആഭ്യന്തരമന്ത്രി രമേശ്‌ ചെന്നിത്തല തന്നെയാണ്‌ കെട്ടിടത്തിന്റെ ശിലാസ്‌ഥാപനം നടത്തിയത്‌. കേരള പോലീസ്‌ ഹൗസിങ്ങ്‌ കണ്‍സ്‌ട്രക്ഷന്‍ കോര്‍പ്പറേഷനാണ്‌ ആറു മാസംകൊണ്ട്‌ കെട്ടിടത്തിന്റെ പണി അതിവേഗം പൂര്‍ത്തീകരിച്ചത്‌. എം.ബി. രാജേഷ്‌ എം.പി വിശിഷ്‌ടാതിഥിയാകും എം.എല്‍.എമാരായ വി.ടി. ബല്‍റാം, ഷാഫി പറമ്പില്‍, കെ.എസ്‌. സലീഖ, മറ്റു രാഷ്‌ട്രീയ പ്രതിനിധികള്‍ തുടങ്ങിയവര്‍ പങ്കെടുക്കും.
from kerala news edited
via IFTTT
