Story Dated: Wednesday, January 28, 2015 02:34
പൂവാര്‍: അടിപിടി കേസിലെ പ്രതി അറസ്‌റ്റില്‍. പൂവാര്‍ കല്ലുവിള വീട്ടില്‍ കുറുക്കി എന്നു വിളിക്കുന്ന ഇബ്രാഹിമിനെയാണ്‌ (30) അറസ്‌റ്റ് ചെയ്‌തത്‌. പൂവാര്‍ മുസ്ലിം കൊച്ചുപളളിയില്‍ ഉറൂസ്‌ മഹോത്സവത്തോടനുബന്ധിച്ച്‌ പൂവാര്‍ തെക്കേപ്പുറം കാലടി വീട്ടില്‍ മുബാറക്കിനെ ആക്രമിച്ച്‌ ഗുരുതരമായി പരുക്കേല്‍പ്പിച്ചിരുന്നു. ഇബ്രാഹാമിന്റെ സഹോദരന്‍ കുറുക്കി എന്നു വിളിക്കുന്ന ഇസ്‌മായിലും കുടല്‍ എന്നു വിളിക്കുന്ന നാസറുമാണ്‌ മറ്റു പ്രതികള്‍. ഇബ്രാഹിം 2005ലെ ക്രിസ്‌ത്യന്‍ മുസ്ലിം സംഘര്‍ഷത്തിലെയും 2013ലെ രാഷ്‌ട്രീയ സ്‌പര്‍ധ കേസിലെയും പ്രതിയാണ്‌. നെയ്യാറ്റിന്‍കര ഡിവൈ.എസ്‌.പി: ജയകുമാറിന്റെ നേതൃത്വത്തിലുളള പോലീസ്‌ സംഘമാണ്‌ പ്രതിയെ അറസ്‌റ്റ് ചെയ്‌തത്‌.
from kerala news edited
via IFTTT
