Story Dated: Monday, January 26, 2015 04:01
കാട്ടാക്കട:പിറന്നാള്‍ ദിനത്തില്‍ അപകടം പിന്നെ കൂട്ടുകാര്‍ക്കും നാട്ടുകാര്‍ക്കും വേദന സമ്മാനിച്ച്‌ വിയോഗം. കുറ്റിച്ചല്‍ തച്ചന്‍കോട്‌ കുത്തുകുഴിയില്‍ പ്രശാന്തിന്റെ വിയോഗമാണ്‌ നാടിനെ ദു:ഖത്തിലാഴ്‌ത്തിയത്‌. ഞായറാഴ്‌ച ഉച്ചകഴിഞ്ഞ്‌ കുറ്റിച്ചല്‍ -ആര്യനാട്‌ റൂട്ടിലെ യാത്രാമദ്ധ്യേയാണ്‌ പ്രശാന്ത്‌ സഞ്ചരിച്ച ബൈക്കും എതിരെ വന്ന ബെന്‍സും കൂട്ടിയിടിച്ചത്‌. ഇന്റര്‍ലോക്ക്‌ പണിയില്‍ ഏര്‍പ്പെട്ടിരുന്ന പ്രശാന്ത്‌ കഴക്കൂട്ടത്തുനിന്ന്‌ കഴിഞ്ഞ ദിവസമാണ്‌ വീട്ടിലെത്തിയത്‌.
അച്ചന്‍ നേരത്തെ മരിച്ചു. അമ്മയും സഹോദനുമൊത്താണ്‌ തച്ചന്‍കോട്ട്‌ താമസിച്ചുവന്നിരുന്നത്‌. കൂലിപ്പണിയും സുഹൃത്‌ ബന്ധുവും മാത്രമായി മുന്നോട്ട്‌ പോയിരുന്ന പ്രശാന്ത്‌ ഇന്നലെ ബെയ്‌സ്ബുക്കില്‍ കൂട്ടുകാര്‍ക്ക്‌ തന്റെ ജന്മദിന സന്ദേശവും അയച്ചിരുന്നു. അപകടസ്‌ഥലത്തു തടിച്ചുകൂടിയവര്‍ക്കിടയില്‍ നിന്നും ഇടറിയ സ്വരവുമായാണ്‌ പ്രശാന്തിന്റെ സുഹൃത്തുക്കള്‍ സംഭവം വിവരിച്ചത്‌.
from kerala news edited
via IFTTT
