Story Dated: Wednesday, January 28, 2015 02:33
വെട്ടോലിമല: വെട്ടോലിമല പ്രദേശത്ത്‌ കുടിവെള്ളക്ഷാമം രൂക്ഷമാകുന്നു. ചെന്നീര്‍ക്കര പഞ്ചായത്തിലെ ആറാം വാര്‍ഡായ ഇവിടെ കിണറുകളെല്ലാം വറ്റിവരണ്ട നിലയിലാണ്‌. കുടിവെള്ളം കിട്ടാതെ ജനങ്ങള്‍ നെട്ടോട്ടമോടേണ്ട അവസ്‌ഥയാണ്‌.
ചെന്നീര്‍ക്കര-മെഴുവേലി വാട്ടര്‍ സപ്ലൈ സ്‌കീം പദ്ധതിയിലൂടെയാണ്‌ പ്രദേശത്ത്‌ ശുദ്ധജലവിതരണം നടത്തുന്നത്‌. അരകിലോമീറ്റര്‍ ചുറ്റളവില്‍ മുപ്പതോളം വീട്ടുകാര്‍ ഇതിനെ ആശ്രയിച്ചാണ്‌ കഴിയുന്നത.്‌
ഇരുപതു ദിവസത്തിലധികമായി ഈ പ്രദേശത്ത്‌ വെള്ളമെത്തിയിട്ട്‌. സമീപകാലത്ത്‌ ചെന്നീര്‍ക്കര പഞ്ചായത്തിന്റെ എല്ലാ പ്രദേശത്തും പ്രത്യേക മാനണ്ഡങ്ങളൊന്നുമില്ലാതെ വിവിധ പദ്ധതികളില്‍ പൈപ്പ്‌ ലൈന്‍ നീട്ടിക്കൊടുത്തതിനാല്‍ ഉയര്‍ന്ന പ്രദേശമായ വെട്ടോലിമല ഭാഗങ്ങളില്‍ വെള്ളം കയറുന്നില്ല. വന്നാല്‍തന്നെ ആഴ്‌ചയിലൊരിക്കല്‍ മാത്രമേ വെള്ളമെത്താറുള്ളു. മോട്ടോര്‍ തകരാറിലാണെന്നാണ്‌ വാട്ടര്‍ അതോറിട്ടി കാരണമായി പറയുന്നത്‌. തകരാര്‍ പരിഹരിച്ച്‌ പ്രദേശത്ത്‌ ആഴ്‌ചയില്‍ മൂന്നുദിവസമെങ്കിലുംവെള്ളമെത്തിക്കാനുള്ള നടപടികള്‍ സ്വീകരിക്കണമെന്ന്‌ നാട്ടുകാര്‍ ആവശ്യപ്പെട്ടു.
from kerala news edited
via IFTTT
