Story Dated: Tuesday, January 27, 2015 08:02
ട്രിപ്പോളി: ലിബിയയുടെ തലസ്‌ഥാനമായ ട്രിപ്പോളിയിലെ കൊറിന്ദിയ ഹോട്ടലില്‍ തീവ്രവാദികള്‍ നടത്തിയ ആക്രമണത്തില്‍ അഞ്ച്‌ വിദേശികളും മൂന്ന്‌ സുരക്ഷാ ഉദ്യോഗസ്‌ഥരും കൊല്ലപ്പെട്ടു. സമീപത്ത്‌ തന്നെ ഒരു കാര്‍ ബോംബ്‌ സ്‌ഫോടനം നടന്നതായും റിപ്പോര്‍ട്ടുണ്ട്‌. മുഖംമൂടി ധരിച്ച അഞ്ച്‌ തീവ്രവാദികളാണ്‌ ഹോട്ടലില്‍ ആക്രമണം നടത്തിയതെന്നാണ്‌ ദൃക്‌സാക്ഷി വെളിപ്പെടുത്തിയത്‌.
ഗദ്ദാഫി അനൂകൂലികളാണ്‌ ആക്രമണത്തിന്‌ പിന്നിലെന്നാണ്‌ പ്രാഥമിക നിഗമനം. ഇറ്റലി, ബ്രിട്ടണ്‍, തുര്‍ക്കി തുടങ്ങിയ രാജ്യങ്ങളില്‍ നിന്നുള്ള വിദേശികള്‍ കൂടുതലായി സന്ദര്‍ശനം നടത്തുന്ന രാജ്യത്തെ പ്രധാന ഹോട്ടലുകളില്‍ ഒന്നാണിത്‌. എന്നാല്‍ സംഭവ സമയത്ത്‌ ഹോട്ടലില്‍ സന്ദര്‍ശകരുടെ എണ്ണം തീരെ കുറവായിരുന്നതായും റിപ്പോര്‍ട്ടുണ്ട്‌.
from kerala news edited
via IFTTT
