Story Dated: Wednesday, January 28, 2015 02:30
മാവേലിക്കര: ചെട്ടികുളങ്ങര ദേവീ ക്ഷേത്രത്തില്‍ മകര ഭരണി മഹോത്സവം ഇന്നു നടക്കും. ഇതോടനുബന്ധിച്ച്‌ ക്ഷേത്രത്തില്‍ സനാതനധര്‍മ്മ സേവാസംഘത്തിന്റെ നേതൃത്വത്തില്‍ നടന്നുവന്ന സപ്‌താഹയജ്‌ഞവും വാര്‍ഷികവും ഇന്നു സമാപിച്ചു.
രാവിലെ 10ന്‌ 401 പറ അരിയുടെ മകരഭരണി സദ്യ നടക്കും. ദേവസ്വം ബോര്‍ഡംഗം പി.കെ. കുമാരന്‍ ഉദ്‌ഘാടനം ചെയ്യും. ഉച്ചകഴിഞ്ഞു മൂന്നിന്‌ അവഭൃഥ സ്‌നാന ഘോഷയാത്ര. രാത്രി ഏഴിനു സേവാസംഘത്തിന്റെ വാര്‍ഷികം.
മലയാള സര്‍വകലാശാലാ വൈസ്‌ ചാന്‍സലര്‍ കെ. ജയകുമാര്‍ ഉദ്‌ഘാടനം ചെയ്യും. എന്‍. ഗോപാലകൃഷ്‌ണപിളള അധ്യക്ഷത വഹിക്കും. സനാതനധര്‍മ്മ പുരസ്‌കാരം ഉന്നത വിദ്യാഭ്യാസ കൗണ്‍സില്‍ വൈസ്‌ ചെയര്‍മാന്‍ ടി.പി. ശ്രീനിവാസന്‌ ചടങ്ങില്‍ സമ്മാനിക്കും. രാത്രി 9.30 ന്‌ ചെട്ടികുളങ്ങര അമ്മയുടെ പുറത്തെഴുന്നളളത്ത്‌ നടക്കും. പുറപ്പെടാ മേല്‍ശാന്തി സുരേഷ്‌ കുമാര്‍ ആചാര്യ മുഖ്യകാര്‍മികത്വം വഹിക്കും.
from kerala news edited
via IFTTT
