Story Dated: Monday, January 26, 2015 04:37
മങ്കൊമ്പ്‌: ചങ്ങനാശേരിയില്‍ നിന്നും കൃഷ്‌ണപുരം വഴി കാവാലം ലിസ്യുവിനു സര്‍വീസ്‌ നടത്തുന്ന കെ.എസ.്‌ആര്‍.ടി.സി ബസുകള്‍ കാവാലം ബസ്‌ സ്‌റ്റാന്‍ഡില്‍ കയറാതെ പോകുന്നതായി പരാതി. ഇതുമൂലം ബസ്‌ സ്‌റ്റാന്‍ഡില്‍ കാത്തുനില്‍ക്കുന്ന നൂറുകണക്കിനു യാത്രികരാണു ബുദ്ധിമുട്ടനുഭവിക്കുന്നത്‌.
ലിസ്യുവില്‍ നിന്നും ചങ്ങനാശേരിക്കു സര്‍വീസ്‌ നടത്തുമ്പോള്‍ ബസുകള്‍ സ്‌റ്റാന്‍ഡില്‍ കയറാതെ നൂറ്റമ്പതോളം മീറ്റര്‍ അകലെയുള്ള എസ്‌.ബി.ടി ജംങ്‌ഷനിലെത്തി തിരിഞ്ഞുപോകുകയാണു പതിവ്‌. ഈ സമയം സ്‌റ്റാന്‍ഡില്‍ കാത്തു നില്‍ക്കുന്നവര്‍ക്ക്‌ ഓടിയെത്താനാകില്ല. ബസിന്റെ സമയവും കൃത്യമായി അറിയാത്തതിനാല്‍ ദൂരെ നിന്നെത്തുന്നവര്‍ ഏറെ നേരം കാത്തുനില്‍ക്കേണ്ടതായും വരും.
ചങ്ങനാശേരിയില്‍ നിന്നും ലിസ്യുവിനും തിരികെയുമുള്ള സര്‍വീസുകള്‍ സ്‌റ്റാന്‍ഡില്‍ കയറിപ്പോകാന്‍ ചങ്ങനാശേരി എ.ടി.ഒ. നടപടി സ്വീകരിക്കണമെന്നു കോണ്‍ഗ്രസ്‌ മണ്ഡലം കമ്മിറ്റി പ്രസിഡന്റ്‌ പി.എന്‍. വിജയകുമാര്‍ ആവശ്യപ്പെട്ടു.
from kerala news edited
via IFTTT
