Story Dated: Monday, January 26, 2015 04:01
പോത്തന്‍കോട്‌: അഭിപ്രായ വ്യത്യാസങ്ങള്‍ എപ്പോഴും കോണ്‍ഗ്രസിലുണ്ടായിട്ടുണ്ടെന്നും അത്‌ കോണ്‍ഗ്രസിന്‌ കരുത്താണെന്നും കെ.പി.സി.സി. ജനറല്‍ സെക്രട്ടറി സതീശന്‍ പാച്ചേനി. ഗവണ്‍മെന്റ്‌ സ്‌കൂള്‍ ടീച്ചേഴ്‌സ് യൂണിയന്‍ തിരുവനന്തപുരം റവന്യൂ ജില്ലയുടെ ഇരുപത്തി നാലാമത്‌ വാര്‍ഷിക സമ്മേളനം പോത്തന്‍കോട്‌ ഉദ്‌ഘാടനം ചെയ്യുകയായിരുന്നു അദ്ദേഹം. അദ്ധ്യാപകര്‍ നേരിടുന്ന പ്രശ്‌നങ്ങള്‍ക്ക്‌ ഉടന്‍ പരിഹാരം കാണുന്നതിന്‌ ഗവണ്‍മെന്റില്‍ സമ്മര്‍ദ്ദം ചെലുത്തുമെന്നും അദ്ദേഹം പറഞ്ഞു.
അദ്ധ്യാപക സമൂഹത്തിന്റെ പ്രവര്‍ത്തനം മാതൃകാപരമാണെന്നും ചടങ്ങില്‍ മുഖ്യപ്രഭാഷണം നടത്തിയ പാലോട്‌ രവി എം.എല്‍.എ. പറഞ്ഞു. അദ്ധ്യാപക സംഘടന റവന്യൂ ജില്ലാ പ്രസിഡന്റ്‌ സുരേഷ്‌ തെങ്ങുംകോട്‌ അദ്ധ്യക്ഷനായിരുന്നു. വട്ടപ്പാറ ചന്ദ്രന്‍, തേക്കട അനില്‍, പി.ആര്‍. അനില്‍, ആര്‍. ഹരികുമാര്‍ തുടങ്ങിയവര്‍ സംസാരിച്ചു.
from kerala news edited
via IFTTT
