Story Dated: Monday, January 26, 2015 04:24
സിഡ്‌നി: ഇന്ത്യ ഓസീസ്‌ ഏകദിനം മഴ മൂലം ഉപേക്ഷിച്ചു. കളി ഉപേക്ഷിച്ചതോടെ ഇരുടീമുകള്‍ക്കും രണ്ട്‌ പോയിന്റ്‌ വീതം ലഭിച്ചു. ടോസ്‌ നഷ്‌ടപ്പെട്ട്‌ ബാറ്റിംഗിനിറങ്ങിയ ഇന്ത്യ 2.4 ഓവറില്‍ ആറ്‌ റണ്‍ നേടിയപ്പോഴേയ്‌ക്കും മഴ തുടങ്ങി. പിന്നീട്‌ 44 ഓവറാക്കി ചുരുക്കി കളി പുനരാരംഭിച്ചു. എന്നാല്‍ 16 ഓവര്‍ പിന്നിട്ടപ്പോഴേയ്‌ക്ക് വീണ്ടും മഴ വീണു. തുടര്‍ന്ന്‌ കളി ഉപേക്ഷിക്കുവാന്‍ അംപയര്‍മാര്‍ തീരുമാനിക്കുകയായിരുന്നു.
16 ഓവറില്‍ 69 റണ്‍സ്‌ നേടുന്നതിനിടെ ഇന്ത്യയുടെ രണ്ട്‌ വിക്കറ്റ്‌ നഷ്‌ടപ്പെട്ടിരുന്നു. എട്ട്‌ റണ്‍സ്‌ നേടിയ ധവാന്റെയും, 23 റണ്‍സ്‌ നേടിയ അമ്പട്ടി റായിഡുവിന്റെയും വിക്കറ്റാണ്‌ ഇന്ത്യക്ക്‌ നഷ്‌ടമായത്‌.
മത്സരം ഉപേക്ഷിച്ചതോടെ ത്രിരാഷ്‌ട്ര ഏകദിന പരമ്പരയുടെ ഫൈനല്‍ പ്രവേശനം ഇന്ത്യക്ക്‌ കടുത്ത വെല്ലുവിളി ആയിരിക്കുകയാണ്‌. അടുത്ത മത്സരത്തില്‍ ഇംഗ്ലണ്ടിനോട്‌ ജയിച്ചാല്‍ മാത്രമേ ഇന്ത്യക്ക്‌ ഫൈനലില്‍ പ്രവേശിക്കാന്‍ സാധിക്കു. കളിച്ച കളികളില്‍ ഒരു പരാജയം പോലുമറിയാത്ത ഓസീസ്‌ ഫൈനലില്‍ പ്രവേശിച്ചിരുന്നു. പരമ്പരയില്‍ ഇതുവരെ ഒരു കളിപോലും ഇന്ത്യ ജയിച്ചിട്ടില്ല.
from kerala news edited
via IFTTT
