Story Dated: Wednesday, March 25, 2015 07:09
തിരുവനന്തപുരം : തളര്‍വാതം പിടിപെട്ട്‌ മാലിയിലെ സര്‍ക്കാര്‍ അഗതി മന്ദിരത്തില്‍ നിന്നും തിരുവനന്തപുരത്തെത്തിയ നബീസ ബീവിക്ക്‌ ഒരു ലക്ഷം രൂപ അടിയന്തര ചികിത്സാ സഹായം അനുവദിക്കുമെന്ന്‌ സാമൂഹ്യ നീതി വകുപ്പ്‌ അറിയിച്ചു.
പൂജപ്പുരയിലെ വനിതാ വികലാംഗ കേന്ദ്രത്തില്‍ കഴിയുന്ന നബീസ ബീവിയുടെ നില വഷളായതായ റിപ്പോര്‍ട്ടുകള്‍ പുറത്തു വന്ന സാഹച്യത്തിലാണ്‌ നടപടി. നബീസയെ പരിചരിക്കുന്നയാള്‍ക്ക്‌ പ്രതിമാസം 532 രൂപയും നല്‍കുമെന്നും വ്യക്‌തമാക്കിയിട്ടുണ്ട്‌.
തളര്‍വാതം പിടിപെട്ട്‌ മാലിയിലെ സര്‍ക്കാര്‍ അഗതി മന്ദിരത്തില്‍ കഴിയുകയായിരുന്ന നബീസ ബീവി ഫെബ്രുവരി 10 നാണ്‌ തിരുവനന്തപുരത്തെത്തിയത്‌. തുടര്‍ന്ന്‌ ഇവിടെ നിന്നും പൂജപ്പുരയിലെ വനിതാ വികലാംഗ കേന്ദ്രത്തിലേക്ക്‌ മാറ്റി. ആവശ്യമായ പരിശോധനകള്‍ക്കുശേഷം വേണ്ട ചികിത്സകള്‍ നല്‍കുമെന്ന്‌ സര്‍ക്കാര്‍ ഉറപ്പു നല്‍കുകയും ചെയ്‌തിരുന്നു.
ഇന്ത്യന്‍ ക്‌ളബ്‌ അംഗങ്ങള്‍ ആണ്‌ നബീസ ബീവിയെ നാട്ടിലെത്തിക്കാനുള്ള ശ്രമങ്ങള്‍ക്ക്‌ ചുക്കാന്‍ പിടിച്ചത്‌. മാലിയില്‍ തടവില്‍ കഴിഞ്ഞ ജയചന്ദ്രന്‍ മൊകേരിയുടെ നേതൃത്വത്തില്‍ രൂപപ്പെട്ട കേരളത്തിലെ ഫേസ്‌ബുക്ക്‌ കൂട്ടായ്‌മയാണ്‌ നബീസാ ബീവിയുടെ പ്രശ്‌നം പൊതുജന ശ്രദ്ധയില്‍ കൊണ്ടുവന്നത്‌.
from kerala news edited
via IFTTT
