നോര്‍ക്ക ഹെല്‍പ് ഡെസ്‌ക്ക് സൈഹാതിലും
Posted on: 25 Mar 2015
ദമ്മാം: ഒ.ഐ.സി.സി ദമ്മാം റീജ്യണല്‍ കമ്മിറ്റിയുടെ നേതൃത്വത്തില്‍ പ്രവിശ്യയുടെ വിവിധ കേന്ദ്രങ്ങളില്‍ സംഘടിപ്പിച്ച നോര്‍ക്ക ഹെല്‍പ് ഡസ്‌ക്കിന്റെ സൈഹാത് കേന്ദ്രത്തിലെ സേവനം നിരവധിയാളുകള്‍ പ്രയോജനപ്പെടുത്തി. നോര്‍ക്ക മെംബര്‍ഷിപ്പ്, ക്ഷേമനിധി അംഗത്വം എന്നിവയ്ക്കുള്ള അപേക്ഷകള്‍ സേവനകേന്ദ്രത്തില്‍ സ്വീകരിക്കും. പാസ്‌പോര്‍ട്ടിന്റെ ആദ്യ പേജ്, വിസ പേജ്, അവസാന പേജ്, ഇഖാമയുടെ കോപ്പി, രണ്ട് ഫോട്ടോ എന്നിവ സഹിതം ഹെല്‍പ് ഡെസ്‌ക്കില്‍ എത്തിയാല്‍ രേഖകള്‍ തിരുവനന്തപുരത്തെത്തിച്ച് നോര്‍ക്കയുടെ അംഗത്വ കാര്‍ഡുകള്‍ തയ്യാറാക്കി സൗദിയിലെത്തിച്ച് ഹെല്‍പ് ഡെസ്‌ക്ക് വോളണ്ടിയേഴ്‌സ് ഉടമസ്ഥന് നല്‍കും.
സൈഹാതിലെ ഹെല്‍പ് ഡസ്‌ക്കിന്റെ പ്രവര്‍ത്തനത്തിന് റീജ്യണല്‍ കമ്മിറ്റി സെക്രട്ടറി റഷീദ് ഇയ്യാല്‍, ഏരിയ കമ്മിറ്റി പ്രസിഡന്റ് എസ്.എം.സാദിഖ്, സി.ടി.ശശി, ഡിജോ പഴയമഠം, അസീസ് കോഴിക്കോട്, പ്രതീഷ് വിശ്വാമിത്രന്‍ എന്നിവര്‍ ഹെല്‍പ് ഡസ്‌ക്കിന് നേതൃത്വം നല്‍കി.
കൂടുതല്‍ വിവരങ്ങള്‍ക്ക് : 0551913450, 0567073516
അക്ബര്‍ പൊന്നാനി
from kerala news edited
via IFTTT
