Story Dated: Wednesday, March 25, 2015 02:17
വലിയതുറ: തിരുവനന്തപുരം വിമാനത്താവളത്തില്‍ നിന്നും യാത്രക്കാരുമായി വിദേശത്തേക്ക്‌ പോകാനൊരുങ്ങിയ വിമാനത്തിലെ സാങ്കേതിക തകരാറിനെ തുടര്‍ന്ന്‌ യാത്രക്കാര്‍ പ്രതിഷേധിച്ചു. യാത്രക്കാരിലൊരാള്‍ ദേഹാസ്വാസ്‌ഥ്യത്തെ തുടര്‍ന്ന്‌ ആശുപത്രിയില്‍ ചികിത്സതേടി.
തിരുവനന്തപുരത്തുനിന്നും അബുദാബിയിലേക്ക്‌ കഴിഞ്ഞ ദിവസം വൈകിട്ട്‌ പുറപ്പെടേണ്ട എയര്‍ ഇന്ത്യാ വിമാനത്തിനാണ്‌ സാങ്കേതിക തകരാര്‍ കണ്ടത്‌. എന്നാല്‍ രാത്രിയോടെ തകരാര്‍ പരിഹരിച്ച്‌ 110 യാത്രക്കാരുമായി വിമാനം യാത്ര തുടരാന്‍ ശ്രമിച്ചെങ്കിലും വീണ്ടും തകരാര്‍ കണ്ടതിനെ തുടര്‍ന്ന്‌ വിമാനത്തില്‍ ഏറെ നേരം ഇരുന്ന യാത്രക്കാര്‍ ശക്‌തമായി പ്രതിഷേധിക്കുകയായിരുന്നു. ഇതിനിടയില്‍ ഒരു യാത്രക്കാരന്‌ ദേഹാസ്വാസ്‌ഥ്യം അനുഭവപ്പെട്ടതിനെ തുടര്‍ന്ന്‌ സമീപത്തെ ആശുപത്രിയില്‍ പ്രവേശിപ്പിച്ചു. വിമാനത്തിലെ തകരാര്‍ പരിഹരിച്ചശേഷം രാത്രി വൈകി വിമാനം യാത്ര പുറപ്പെട്ടു.
from kerala news edited
via IFTTT
