Story Dated: Wednesday, March 25, 2015 02:17
തിരുവമ്പാടി: റാഞ്ചിയില്‍ നടന്ന സ്‌കൂള്‍ അത്‌ലറ്റിക്‌ മീറ്റില്‍ സൈക്ലിംഗ്‌ ചാമ്പ്യന്‍ഷിപ്പില്‍ സ്വര്‍ണമെഡല്‍ നേടിയ അലീന റെജി പുതുപറമ്പിലിന്‌ സ്‌പോര്‍ട്‌സ് കൗണ്‍സില്‍ വക സൈക്കിള്‍. ദേശീയ കായികപ്രതിഭകള്‍ക്ക്‌ തിരുവമ്പാടിയില്‍ ഗ്രാമപഞ്ചായത്ത്‌ നല്‍കിയ സ്വീകരണചടങ്ങിനിടെ സംസ്‌ഥാന സ്‌പോര്‍ട്‌സ് കൗണ്‍സില്‍ പ്രസിഡന്റ്‌ പത്മിനി തോമസ്‌ അറിയിച്ചതാണിത്‌.പുല്ലുരാംപാറ പുതുപറമ്പില്‍ അലീന റെജി ദേശീയ സൈക്ലിംഗില്‍ മൂന്ന്‌ സ്വര്‍ണമെഡലുകള്‍ നേടിയിരുന്നു.
സാമ്പത്തികമായി വളരെ താഴ്‌ന്ന നിലയിലുള്ള അലീനയ്‌ക്കു പരിശീലനം നടത്താനുള്ള സൈക്കിള്‍ വാങ്ങാന്‍ പോലും കഴിവില്ലാത്ത സ്‌ഥിതിയുണ്ടെന്ന്‌ തിരുവമ്പാടി ഗ്രാമപഞ്ചായത്ത്‌ പ്രസിഡന്റ്‌ ഏലിയാമ്മ ജോര്‍ജ്‌ ശ്രദ്ധയില്‍പ്പെടുത്തിയപ്പോഴാണ്‌ സ്‌പോര്‍ട്‌സ് കൗണ്‍സിലിന്റെ വക സൈക്കിള്‍ അനുവദിക്കാമെന്ന്‌ പത്മിനി തോമസ്‌ അലീനയ്‌ക്ക് വാഗ്‌ദാനം നല്‍കിയത്‌.
from kerala news edited
via IFTTT
