Story Dated: Wednesday, March 4, 2015 01:28
ചെങ്ങന്നൂര്‍: എം.സി റോഡില്‍ മുണ്ടന്‍കാവ്‌ ജംഗ്‌ഷനിലെ നൂറ്റാണ്ടുകള്‍ പഴക്കമുളള ആല്‍മരം റോഡ്‌ വികസനത്തിന്റെ ഭാഗമായി മുറിച്ചു നീക്കുന്നു. ഇതിനായി പൗരാവലിയുടെ നേതൃത്വത്തില്‍ വൃക്ഷപൂജയും യാത്രാമൊഴിയും നല്‍കി ആദരിച്ചു. ശബരിമല തന്ത്രി കഞ്‌ഠര്‌ രാജീവരര്‌ ഭദ്രദീപം തെളിച്ചതോടെ ചടങ്ങുകള്‍ ആരംഭിച്ചു.
മുറിച്ച ആല്‍മരത്തിന്‌ പകരമായി എം.സി റോഡിന്റെ വിവിധ ഭാഗങ്ങളില്‍ പൗരാവലിയുടെ നേതൃത്വത്തില്‍ ആല്‍മര തൈകള്‍ വെച്ചുപിടിപ്പിച്ചു. നഗരസഭാ അധ്യക്ഷ വത്സമ്മ ഏബ്രഹാം മുഖ്യപ്രഭാഷണം നടത്തി. ബി. കൃഷ്‌ണകുമാര്‍ അധ്യക്ഷത വഹിച്ചു. ടി.കെ. നാരായണന്‍ നായര്‍, ഒ.എസ്‌ ഉണ്ണിക്കൃഷ്‌ണന്‍, എം.വി. ഗോപകുമാര്‍, പ്രഭാകരന്‍ നായര്‍, സനല്‍ കുമാര്‍, രാജീവ്‌ പളളത്ത്‌, സാജന്‍ ചാക്കോ, ദീപു, മുരുകന്‍ പൂവക്കാട്ട്‌, സുശീല്‍കുമാര്‍ എന്നിവര്‍ പങ്കെടുത്തു.
from kerala news edited
via IFTTT
