ഉമ്മുല്‍ഖുവൈനില്‍ മലബാര്‍ ഗോള്‍ഡ് ഷോറൂം
Posted on: 04 Mar 2015
ഉമ്മുല്‍ഖുവൈന്‍: മലബാര്‍ ഗോള്‍ഡ് ആന്റ് ഡയമണ്ട്‌സ് ഗള്‍ഫില്‍ കൂടുതല്‍ ഷോറൂമുകള്‍ തുറക്കുന്നു. രണ്ട് മാസത്തിനുള്ളില്‍ ഒമ്പത് പുതിയജ്വല്ലറികള്‍ പ്രവര്‍ത്തനമാരംഭിക്കും. ഇതില്‍ മൂന്നെണ്ണം യു.എ.ഇ.യിലാണ്. ഉമ്മുല്‍ഖുവൈനില്‍ തുടങ്ങുന്ന ഷോറൂമിന്റെ ഉദ്ഘാടനം വ്യാഴാഴ്ച നടക്കുമെന്നും ബന്ധപ്പെട്ടവര്‍ അറിയിച്ചു.
മലബാര്‍ ഗോള്‍ഡിന്റെ 127-ാമത്തെ ഷോറൂമാണ് ഉമ്മുല്‍ഖുവൈനില്‍ ഉദ്ഘാടനം ചെയ്യപ്പെടുന്നത്. കിങ് ഫൈസല്‍ സ്ട്രീറ്റിലെ റിയാദ് പ്ലാസയിലെ ഷോറൂമില്‍ വൈകിട്ട് അഞ്ചിനാണ് ഉദ്ഘാടനം. ഉദ്ഘാടനത്തോടനുബന്ധിച്ച് 3,000 ദിര്‍ഹമിന് മുകളിലുള്ള തുകയ്ക്ക് സ്വര്‍ണം വാങ്ങുന്നവര്‍ക്ക് സ്വര്‍ണനാണയം സമ്മാനമായി ലഭിക്കും. ആനുകൂല്യം മാര്‍ച്ച് 31 വരെ ബാധകമാണ്.
അബുദാബിയിലും അജ്മാനിലുമായി മറ്റു രണ്ട് ഷോറൂമുകള്‍ കൂടി നിലവില്‍വരുന്നുണ്ട്. ഒമാനില്‍ മൂന്ന് ജ്വല്ലറികളും സൗദി, ഖത്തര്‍, ബഹറൈന്‍, മലേഷ്യ എന്നിവിടങ്ങളില്‍ ഓരോന്നുവീതവും സ്ഥാപിക്കുന്നുണ്ട്.
from kerala news edited
via IFTTT
