അന്ധര്‍ക്കായി 50, 100 ദിര്‍ഹം നോട്ടുകള്‍ ഇറക്കുന്നു
Posted on: 04 Mar 2015
അബുദാബി: അന്ധര്‍ക്ക് സഹായകമാകുംവിധത്തിലുള്ള 50, 100 ദിര്‍ഹം നോട്ടുകള്‍ ഇറക്കുമെന്ന് യു.എ.ഇ. സെന്‍ട്രല്‍ ബാങ്ക് അറിയിച്ചു. മാര്‍ച്ച് ഒമ്പത് മുതല്‍ നോട്ടുകള്‍ പ്രാബല്യത്തില്‍ വരും. സ്പര്‍ശനത്തിലൂടെ തിരിച്ചറിയാനാവുംവിധത്തിലുള്ള അടയാളങ്ങള്‍ ചേര്‍ത്തുകൊണ്ട് നിലവിലുള്ള നോട്ടുകളുടെ പരിഷ്‌കരിച്ച പതിപ്പാണ് ഇറക്കുന്നത്.
ചെറിയ ചില സവിശേഷതകളൊഴിച്ചാല്‍, പുതിയനോട്ടുകള്‍ നിലവിലുള്ള നോട്ടുകളുടെമാതൃക തന്നെയായിരിക്കും പിന്തുടരുകയെന്നും സെന്‍ട്രല്‍ ബാങ്ക് അറിയിച്ചു. 100 ദിര്‍ഹം നോട്ടിന്മേല്‍ സ്പര്‍ശനത്തിലൂടെ അറിയാനാകുന്ന തിരശ്ചീനമായ രണ്ട് വരകളുണ്ടായിരിക്കും. 50 ദിര്‍ഹം നോട്ടിന്മേല്‍ ഇത്തരത്തിലുള്ള നാല് വരകളായിരിക്കും ഉണ്ടാകുക.
from kerala news edited
via IFTTT
