Story Dated: Wednesday, March 4, 2015 01:30
കൊണ്ടോട്ടി: ദേശീയ പാതയില്‍ നിയന്ത്രണം വിട്ട കാര്‍ രണ്ട്‌ വൈദ്യുതി തൂണുകള്‍ തകര്‍ത്തു. തൂണുകളിലൊന്ന്‌ കാറിന്‌ മുകളില്‍ വീണെങ്കിലും യാത്രക്കാരായ മൂന്ന്‌ പേരും നിസാര പരിക്കുകളോടെ രക്ഷപ്പെട്ടു. മൊറയൂര്‍ വാലഞ്ചേരിയില്‍ ഇന്നലെ രാവിലെ ആറരയോടെയാണ്‌ അപകടം.
കോഴിക്കോട്‌ നിന്നു മഞ്ചേരിയിലേക്ക്‌ പോവുകയായിരുന്ന കാറാണ്‌ അപകടത്തില്‍ പെട്ടത്‌.നവവരനും വധുവും മറ്റൊരാളുമാണ്‌ കാറിലുണ്ടായിരുന്നത്‌. നിയന്ത്രണം വിട്ട കാര്‍ റോഡരികിലെ വൈദ്യുതി തൂണിലിടിച്ച ശേഷം മറ്റൊരു തൂണിലിടിച്ചാണ്‌ നിന്നത്‌.തൂണ്‍ മുറിഞ്ഞ്‌ കാറിന്‌ മുകളിലേക്ക്‌ വീണു. ഇടിയില്‍ കാര്‍ പാടെ തകര്‍ന്നു. വൈദ്യുതി ബന്ധം നിലച്ചതിനാല്‍ ദുരന്തം ഒഴിവായി.
from kerala news edited
via IFTTT
