Story Dated: Wednesday, March 4, 2015 01:30
മഞ്ചേരി: പതിമൂന്നു വയസ്സുകാരികളായ വിദ്യാര്‍ഥികളെ ബലാല്‍സംഗം ചെയ്‌തുവെന്ന രണ്ടു കേസുകളില്‍ റിമാന്‍ഡില്‍ കഴിയുന്ന പ്രതികളുടെ ജാമ്യാപേക്ഷ മഞ്ചേരി ജില്ലാ സെഷന്‍സ്‌ കോടതി തള്ളി. വേങ്ങര പാക്കടപ്പുറായ കണ്ണാടിപ്പടി നമ്പന്‍കുന്നത്ത്‌ മുഹമ്മദലി (45), വേങ്ങര കുഴിച്ചെന കുറുക്കന്‍പീടിക കണ്ണാടിപ്പടി പുവ്വത്ത്‌ പറമ്പില്‍ നാരായണന്‍ (47) എന്നിവരുടെ ജാമ്യാപേക്ഷയാണ്‌ തള്ളിയത്‌.
പാക്കടപ്പുറായ യു പി സ്‌കൂളില്‍ മലപ്പുറം ചൈല്‍ഡ്‌ ലൈന്‍ പ്രവര്‍ത്തകര്‍ നടത്തിയ കൗണ്‍സിലിംഗിലാണ്‌ പീഡന വിവരം പുറത്തായത്‌. 2014 സെപ്‌തംബറില്‍ പകല്‍ 12 മണിക്ക്‌ മുഹമ്മദലി പെണ്‍കുട്ടിയെ ക്രിസ്‌മസ്‌ ചിത്രങ്ങള്‍ തരാമെന്ന്‌ പറഞ്ഞ്‌ സ്വന്തം വീട്ടിലേക്ക്‌ കൊണ്ടു പോയി പീഡിപ്പിച്ചുവെന്നാണ്‌ കേസ്‌.
പാട്ടുപുസ്‌തകം തരാമെന്ന്‌ പറഞ്ഞ്‌ ആളൊഴിഞ്ഞ പാടത്തു കൊണ്ടു പോയി ബലാല്‍സംഗം ചെയ്‌തുവെന്നാണ്‌ നാരായണനെതിരെയുള്ള കേസ്‌. 2014 സെപ്‌തംബര്‍ 12നു പകല്‍ ഒരു മണിക്കാണ്‌ ഈ സംഭവം. ഇരുവരെയും 2015 ഫെബ്രുവരി ഏഴിന്‌ വേങ്ങര പോലീസാണ്‌ അറസ്‌റ്റ് ചെയ്‌തത്‌.
from kerala news edited
via IFTTT
