Story Dated: Wednesday, March 4, 2015 07:47
ലണ്ടന്‍: പ്രായപൂര്‍ത്തിയാകാത്ത പെണ്‍കുട്ടിയുമായി ലൈംഗികബന്ധം പുലര്‍ത്തിയതിന്‌ ഇംഗ്ലണ്ട്‌ ഫുട്‌ബോള്‍ താരത്തിനെ പോലീസ്‌ അറസ്‌റ്റ് ചെയ്‌തു. സാന്‍ഡര്‍ലാന്റ്‌ താരം ആഡം ജോണ്‍സനാണ്‌ അറസ്‌റ്റിലായത്‌. 27 കാരനായ ജോണ്‍സന്‍ 15 കാരിയുമായി ലൈംഗികബന്ധത്തില്‍ ഏര്‍പ്പെട്ടതിന്‌ പോലീസ്‌ അറസ്‌റ്റ് ചെയ്‌തെന്ന്‌ സണ്‍ ടാബ്ലോയിഡ്‌ റിപ്പോര്‍ട്ട്‌ ചെയ്‌തു.
ഡെഹാം കൌണ്ടിയിലെ താരത്തിന്റെ വീട്ടില്‍ പോലീസ്‌ വാഹനങ്ങള്‍ കണ്ടതായി റിപ്പോര്‍ട്ടുകള്‍ ഉണ്ടായിരുന്നു. നേരത്തെ 15 വയസ്സുകാരിയുമായി ലൈംഗിക ബന്ധം പുലര്‍ത്തിയ കേസില്‍ 27 കാരനായ യുവാവിനെ അറസ്‌റ്റ് ചെയ്‌തെന്ന്‌ മാത്രമായിരുന്നു പോലീസ്‌ പറഞ്ഞത്‌. പിന്നീട്‌ ഇത്‌ ഒരു ഫുട്‌ബോള്‍ താരമാണെന്ന്‌ സണ്‍ റിപ്പോര്‍ട്ട്‌ ചെയ്യുകയായിരുന്നു.
ഈ സീസണില്‍ സാന്‍ഡര്‍ലാന്റിന്റെ ടോപ്‌ സ്‌കോററാണ്‌ ആഡം ജോണ്‍സന്‍. സീസണില്‍ അഞ്ചു ഗോളുകളാണ്‌ ആഡം നേടിയിരിക്കുന്നത്‌. കഴിഞ്ഞ ദിവസം മാഞ്ചസ്‌റ്റര്‍ യുണൈറ്റഡും സന്‍ഡര്‍ലാന്റും തമ്മിലുള്ള മത്സരത്തില്‍ ആഡം കളിച്ചിരുന്നു. 2012ലാണ്‌ താരം സാന്‍ഡര്‍ലാന്റില്‍ ചേരുന്നത്‌.
from kerala news edited
via IFTTT
