Story Dated: Wednesday, March 4, 2015 10:58
റാഞ്ചി: യാത്രകളില്‍ സ്ത്രീ സുരക്ഷ ഉറപ്പാക്കാന്‍ ആപുമായി ഝാര്‍ഖണ്ഡ് സര്‍ക്കാര്‍. മുഖ്യമന്ത്രി രഘുബര്‍ ദാസ് ആണ് പദ്ധതി പ്രഖ്യാപിച്ചത്. ഡല്‍ഹിയില്‍ നിലവിലുള്ള 'ഹിമ്മത്ത്' ആപിന്റെ മാതൃകയിലായിരിക്കും ആപ്ലിക്കേഷന്‍ നടപ്പാക്കുക. സ്ത്രീ സുരക്ഷയ്ക്ക് സര്‍ക്കാര്‍ വലിയ പ്രാധാന്യം നല്‍കുന്നുണ്ടെന്നും അതിനുള്ള നടപടികള്‍ സ്വീകരിച്ചുവരികയാണെന്നും മുഖ്യമന്ത്രി പറഞ്ഞു.
ആക്രമണം നേരിടുന്ന ഘട്ടത്തില്‍ സ്ത്രീകള്‍ക്ക് സഹായം തേടാവുന്ന മൊബൈല്‍ ആപ്ലിക്കേഷനായിരിക്കും സ്വീകരിക്കുക. ഒരു ബട്ടണില്‍ വിരലമര്‍ത്തുന്നതോടെ ബന്ധുക്കള്‍, സുഹൃത്തുക്കള്‍, പോലീസ് എന്നിവരെ ഒരേ സമയം വിവരം അറിയിക്കാനുള്ള സൗകര്യമാണ് ഒരുക്കുന്നതെന്നും മുഖ്യമന്ത്രി പറഞ്ഞു.
ഡല്‍ഹി പോലീസ് തയ്യാറാക്കിയ ഹിമ്മത്ത് ആപ് ഡല്‍ഹി പോലീസിന്റെ വെബ്‌സൈറ്റില്‍ നിന്ന് സൗജന്യമായി ടൗണ്‍ലോഡ് ചെയ്ത് ഉപയോഗിക്കാവുന്നതാണ്. സ്‌കൂള്‍ കുട്ടികളുടെ പ്രത്യേകിച്ച് പെണ്‍കുട്ടികളുടെ സുരക്ഷയ്ക്ക് ആത്മാര്‍ത്ഥതയുള്ള പോലീസ് ഓഫീസര്‍മാരെയും നിയോഗിക്കുമെന്നും മുഖ്യമന്ത്രി കൂട്ടിച്ചേര്‍ത്തു.
from kerala news edited
via IFTTT
