Story Dated: Friday, January 23, 2015 02:25
പേരൂര്‍ക്കട: അമ്പലമുക്ക്‌ ഗവ. ഗേള്‍സ്‌ ഹയര്‍ സെക്കന്‍ഡറി സ്‌കൂളിനു സമീപം റോഡരികിലെ മാന്‍ഹോളിന്റെ മൂടി മോഷ്‌ടിച്ച്‌ സഞ്ചിയിലാക്കി കൊണ്ടുപോകുന്നതിനിടെ രണ്ടുപേരെ പേരൂര്‍ക്കട പോലീസ്‌ അറസ്‌റ്റ് ചെയ്‌തു. ഉഴമലയ്‌ക്കല്‍ ചക്രപാണിപുരം ആനഅടക്കിയ വളവില്‍ കുന്നില്‍ വീട്ടില്‍ രതീഷ്‌ (22), കരിപ്പൂരു പേരില ഇന്തിക്കുന്ന്‌ തടത്തരികത്തു പുത്തന്‍വീട്ടില്‍ ബാബു (57) എന്നിവരാണ്‌ പിടിയിലായത്‌. എസ്‌.ഐ. ബൈജുനാഥ്‌, സാബു, ഷാജി എന്നിവര്‍ ചേര്‍ന്നാണ്‌ മോഷ്‌ടാക്കളെ പിടികൂടിയത്‌. പ്രതികളെ കോടതി റിമാന്‍ഡ്‌ ചെയ്‌തു.
from kerala news edited
via IFTTT
