Story Dated: Friday, January 23, 2015 08:40
ന്യൂഡല്‍ഹി: ലോക ബാഡ്‌മിന്റണ്‍ റാങ്കിങ്ങില്‍ ഇന്ത്യന്‍ താരം സൈന നെഹ്‌വാളിന്‌ മൂന്നാം സ്‌ഥാനം. 71081 പോയിന്റാണ്‌ സൈനക്കുള്ളത്‌. നാലാം സ്‌ഥാനത്തായിരുന്ന സൈന ഒരു സ്‌ഥാനം മെച്ചപ്പെടുത്തി മൂന്നാമതെത്തി. ചൈനീസ്‌ താരങ്ങളായ ലീ ഷൂരി, ഷീ ജിന്‍ വാങ്‌ എന്നിവരാണ്‌ ഒന്നും, രണ്ടും സ്‌ഥാനങ്ങളില്‍.
രണ്ടുതവണ ലോക ചാമ്പ്യന്‍ഷിപ്പില്‍ വെങ്കല മെഡല്‍ നേടിയ പിവി സിന്ധു രണ്ട്‌ സ്‌ഥാനങ്ങള്‍ മെച്ചപ്പെടുത്തി ഒമ്പതാം സ്‌ഥാനത്തെത്തി. 57985 പോയിന്റാണ്‌ സിന്ധുവിനുള്ളത്‌. കെ ശ്രീകാന്ത്‌ അഞ്ച്‌, കശ്യപ്‌ 15, എച്ച്‌.എസ്‌. പ്രണോയ്‌ 18 എന്നീ സ്‌ഥാനങ്ങള്‍ നേടി.
from kerala news edited
via IFTTT
