Story Dated: Friday, January 23, 2015 02:25
തിരുവനന്തപുരം: പണം നല്‍കാത്തതിന്റെ പേരില്‍ യുവാവിനെ വെട്ടിക്കൊലപ്പെടുത്താന്‍ ശ്രമിച്ച കേസില്‍ രണ്ടുപേരെ മെഡിക്കല്‍ കോളജ്‌ പോലീസ്‌ റിമാന്‍ഡ്‌ ചെയ്‌തു. നാലാഞ്ചിറ പാറോട്ടുകോണം ചിറയില്‍ പുത്തന്‍ വീട്ടില്‍ പനങ്ങ അജയന്‍ എന്നു വിളിക്കുന്ന അജയന്‍ (36), പനങ്ങ രാജേഷ്‌ എന്നു വിളിക്കുന്ന രാജേഷ്‌ (35) എന്നിവരാണ്‌ റിമാന്‍ഡിലായത്‌. ഇരുവരും സഹോദരങ്ങളാണ്‌.
പാറോട്ടുകോണം രക്ഷാപുരി പളളിക്കു സമീപം അജീഷിനെയും ഇയാളുടെ അമ്മ ജാനറ്റിനെയുമാണ്‌ ഇരുവരും ചേര്‍ന്ന്‌ കൊലപ്പെടുത്താന്‍ ശ്രമിച്ചത്‌. അനീഷ്‌ ഗുരുതരാവസ്‌ഥയില്‍ മെഡിക്കല്‍ കോളജ്‌ ആശുപത്രിയില്‍ ചികിത്സയിലാണ്‌. നിരവധി മോഷണ കേസുകളില്‍ പ്രതിയാണ്‌ ഈ സഹോദരങ്ങള്‍. മെഡിക്കല്‍ കോളജ്‌ സി.ഐ: ഷീന്‍തറയിലിന്റെ നേതൃത്വത്തിലുള്ള സംഘമാണ്‌ പ്രതികളെ അറസ്‌റ്റ് ചെയ്‌തത്‌.
from kerala news edited
via IFTTT
