Story Dated: Friday, January 23, 2015 02:25
തിരുവനന്തപുരം: നിരോധിച്ച പുകയില ഉല്‌പന്നങ്ങളുമായി വിദേശത്തുനിന്ന്‌ തിരുവനന്തപുരം വിമാനത്താവളത്തിലെത്തിയ രണ്ട്‌ യാത്രക്കാര്‍ പിടിയില്‍. കാസര്‍കോട്‌ സ്വദേശികളായ മുഹമ്മദ്‌, സിദ്ദിഖ്‌ എന്നിവരാണ്‌ കസ്‌റ്റംസ്‌ ഉദ്യോഗസ്‌ഥരുടെ പിടിയിലായത്‌. മസ്‌കറ്റില്‍നിന്ന്‌ കഴിഞ്ഞ ദിവസം പുലര്‍ച്ചയോടെ തിരുവനന്തപുരം വിമാനത്താവളത്തിലെത്തിയ ഗള്‍ഫ്‌ എയര്‍ വിമാനത്തിലെ യാത്രക്കാരായിരുന്നു ഇവര്‍. ബാഗിനുളളില്‍ നിന്നും പാന്‍പരാഗ്‌, ഗുഡ്‌ക തുടങ്ങിയ നിരോധിച്ച പുകയില ഉല്‌പന്നങ്ങള്‍ ഇവരില്‍നിന്നും പിടിച്ചെടുത്തതായും വിപണിയില്‍ ഒരു ലക്ഷത്തിഇരുപതിനായിരം രൂപ വിലമതിക്കുമെന്നും അധികൃതര്‍ പറഞ്ഞു.
from kerala news edited
via IFTTT
