Story Dated: Friday, January 23, 2015 07:10
കൊച്ചി: കെ.എം മാണിക്കെതിരായ ബാര്‍ കോഴ വൈകിപ്പിക്കുന്നത്‌ ബിജു രമേശാണെന്ന്‌ സര്‍ക്കാര്‍ ഹൈക്കോടതിയില്‍. ബാര്‍ കോഴ ആരോപണം പ്രഖ്യാപിക്കണമെന്ന്‌ ആവശ്യപ്പെട്ട്‌ സമര്‍പ്പിക്കപ്പെട്ട ഹര്‍ജിയിലാണ്‌ സര്‍ക്കാര്‍ നിലപാട്‌ വ്യക്‌തമാക്കിയത്‌. ബിജു രമേശ്‌ ഓരോ ദിവസവും പുതിയ ശബ്‌ദരേഖ പുറത്തു വിടുന്നതിനാലാണ്‌ അന്വേഷണം വൈകുന്നത്‌. ശബ്‌ദരേഖയുടെ ആധികാരികത ഉറപ്പു വരുത്തേണ്ടതുണ്ടെന്നും എ.ജി ഹൈക്കോടതിയെ അറിയിച്ചു.
ബാര്‍ കോഴ ആരോപണത്തില്‍ സി.ബി.ഐ അന്വേഷണം ആവശ്യപ്പെട്ട്‌ ആര്‍.എസ്‌.പി നേതാവ്‌ എ.വി താമരാക്ഷനാണ്‌ ഹൈക്കോടതിയെ സമീപച്ചത്‌. ഈ കേസില്‍ വാദം പൂര്‍ത്തിയായി. കേസിന്റെ വിധിപ്രസ്‌താവന ബുധനാഴ്‌ചയിലേക്ക്‌ മാറ്റി. പുതിയ തെളിവുകളുടെ പശ്‌ചാത്തലത്തില്‍ ബിജു രമേശിനെ വിജിലന്‍സ്‌ ചോദ്യം ചെയ്യുകയും മൊഴി രേഖപ്പെടുത്തുകയും ചെയ്‌തിരുന്നു. തുടര്‍ന്ന്‌ വിജിലന്‍സിന്‌ ബിജു രമേശ്‌ തെളിവുകള്‍ കൈമാറിയിരുന്നു. കൈമാറിയ തെളിവുകളാണ്‌ വിജിലന്‍സിന്‌ കോടതിയില്‍ നല്‍കിയത്‌.
from kerala news edited
via IFTTT
