ഗ്രീന്‍പീസ് പ്രവര്‍ത്തക പ്രിയ പിള്ളയ്‌ക്കെതിരായ ലുക്കൗട്ട് നോട്ടീസ് കോടതി റദ്ദാക്കി

Story Dated: Thursday, March 12, 2015 11:41

ന്യുഡല്‍ഹി: പ്രമുഖ പരിസ്ഥിതി സംഘടനയായ ഗ്രീന്‍പീസ് അംഗം പ്രിയ പിള്ളയ്‌ക്കെതിരായ ലുക്കൗട്ട് നോട്ടീസ് റദ്ദാക്കാന്‍ ഡല്‍ഹി ഹൈക്കോടതി ഉത്തരവ്. കേന്ദ്രസര്‍ക്കാരിന് രൂക്ഷമായ വിമര്‍ശനവും കോടതിയില്‍ നിന്നുണ്ടായി. പ്രിയ പിള്ളയുടെ പാസ്‌പോര്‍ട്ടിലെ 'ഓഫ് ലോഡ്' മുദ്ര എടുത്തുനീക്കാനും കോടതി നിര്‍ദേശം നല്‍കി. വിദേശ യാത്ര വിലക്കിയ പൗരന്മാരുടെ പട്ടികയില്‍ നിന്നും പ്രിയപിള്ളയുടെ പേരു നീക്കാനും കോടതി നിര്‍ദേശിച്ചിട്ടുണ്ട്. വികസന നയങ്ങളില്‍ പൗരന്മാര്‍ക്ക് വ്യത്യസ്ത അഭിപ്രായങ്ങളുണ്ടാകും. എന്നാല്‍ ജനാധിപത്യത്തില്‍ അവരുടെ വായ്മൂടിക്കെട്ടാന്‍ സര്‍ക്കാരിന് കഴിയില്ലെന്നും കോടതി വിമര്‍ശിച്ചു.

ലണ്ടനില്‍ നടന്ന പ്രഭാഷണത്തില്‍ പങ്കെടുക്കാന്‍ പുറപ്പെട്ട പ്രിയ പിള്ളയെ ഈ വര്‍ഷം ജനുവരി 11നാണ് വിമാനത്താവളത്തില്‍ തടഞ്ഞുവച്ചത്. മധ്യപ്രദേശിലെ മഹാനില്‍ കല്‍ക്കരി ഖനി പദ്ധതിയുടെ പേരില്‍ നടക്കുന്ന മനുഷ്യാവകാശ ലംഘനങ്ങളെ കുറിച്ച് ബ്രിട്ടീഷ് പാര്‍ലമെന്റ് അംഗങ്ങള്‍ക്കു മുമ്പാകെയായിരുന്നു അവര്‍ പ്രഭാഷണം നടത്തേണ്ടിയിരുന്നത്.

from kerala news edited

via IFTTT