Story Dated: Monday, December 29, 2014 11:45
ഗുവാഹത്തി: അസമില്‍ പോലീസും സൈന്യവും നടത്തിയ സംയുക്ത നീക്കത്തില്‍ ബോഡോ തീവ്രവാദികളുടെ ഒളിത്താവളം തകര്‍ത്തു. കൊക്രജാര്‍ ജില്ലയിലെ ഖൗഷി ബസാറിലാണ് ഒളിത്താവളം തകര്‍ത്തത്. ഒരു വാഹനവും എട്ട് മൊബൈല്‍ ഫോണുകളും പിടിച്ചെടുത്തതായി ഐ.ജി എല്‍.ആര്‍ ബിഷ്‌ണോയി അറിയിച്ചു. തീവ്രവാദികള്‍ രക്ഷപ്പെട്ടിരുന്നു. ക്യാംപിലേക്ക് റേഷന്‍ സാധനങ്ങള്‍ കടത്തിക്കൊണ്ടുവന്ന് വിതരണം ചെയ്യുന്നതിന് ഉപയോഗിച്ചിരുന്നതാണ് വാഹനമെന്ന് ഐ.ജി വ്യക്തമാക്കി.
കഴിഞ്ഞയാഴ്ച അസമിലെ കൊക്രജാര്‍, സോണിപുര്‍ ജില്ലകളില്‍ ബോഡോ തീവ്രവാദികള്‍ നടത്തിയ ആക്രമണത്തില്‍ 80ല്‍ ഏറെ പേര്‍ കൊല്ലപ്പെട്ടിരുന്നു. ഇതേതുടര്‍ന്നാണ് മേഖലയില്‍ സൈനിക നടപടി ശക്തമാക്കിയത്.
from kerala news edited
via IFTTT
