Story Dated: Sunday, December 28, 2014 01:59
വരാപ്പുഴ: സിഗ്നല്‍ തെറ്റിച്ചുവെന്നാരോപിച്ചുണ്ടായ തര്‍ക്കം കത്തിക്കുത്തില്‍ കലാശിച്ചു. കൂനമ്മാവ്‌ ചിത്തിര കവലയിലാണ്‌ സംഭവം. ഭര്‍ത്താവിനെ പിന്നില്‍ ഇരുത്തി സ്‌കൂട്ടറില്‍ മക്കളുമായി പോകുകയായിരുന്ന ഭാര്യ കൂനമ്മാവ്‌ ചിത്തിരകവലയില്‍ സിഗ്നല്‍ വകവയ്‌ക്കാതെ പെട്ടെന്ന്‌ സ്‌കൂട്ടര്‍ തിരിച്ചപ്പോള്‍ പിന്നാലെവന്ന കാറിലെ ഡ്രൈവര്‍ സ്‌കൂട്ടര്‍ യാത്രക്കാരിയെ ചീത്തവിളിച്ചു. സ്‌കൂട്ടര്‍ യാത്രക്കാരിയുടെ ഭര്‍ത്താവ്‌ കാറിലുണ്ടായിരുന്നവരെ ചീത്ത പറഞ്ഞപ്പോള്‍ കാര്‍ സ്‌കൂട്ടര്‍ യാത്രക്കാരിയുടെ പിന്നാലെ എത്തി.
ഇരുവരും തമ്മില്‍ തല്ല്‌ വീഴുന്നതിനിടെ കാറിലുണ്ടായിരുന്നവരില്‍ ഡ്രൈവര്‍ സ്‌കൂട്ടര്‍ യാത്രക്കാരിയുടെ ഭര്‍ത്താവിനെ കുത്തിപ്പരുക്കേല്‍പ്പിക്കുകയായിരുന്നു. കാറില്‍ കുത്തിയയാളുടെ ഭാര്യയും അമ്മയും മക്കളുമുണ്ടായിരുന്നു. കുത്തേറ്റ്‌ ചോര വാര്‍ന്നൊഴുകുന്നതു കണ്ട നാട്ടുകാര്‍ പോലീസിനെ വിവരമറിയിച്ചു. പോലീസെത്തിയപ്പോള്‍ ഇരുവരും സ്‌ഥലംവിട്ടു. വരാപ്പുഴയില്‍ നിന്നും കൊടുങ്ങല്ലൂര്‍ ഭാഗത്തേക്ക്‌ പോകുകയായിരുന്ന കുടുംബമാണ്‌ കാറില്‍ യാത്ര ചെയ്‌തിരുന്നത്‌. ഇവര്‍ ഒരു ബന്ധുവിന്റെ വീട്ടില്‍ കേക്കുമായി പോകുമ്പോള്‍ കേക്കു മുറിക്കാനുള്ള കത്തി ഉപയോഗിച്ചാണ്‌ സ്‌കൂട്ടര്‍ യാത്രക്കാരിയുടെ ഭര്‍ത്താവിനെ കുത്തിയത്‌.
from kerala news edited
via IFTTT
