Story Dated: Sunday, December 28, 2014 01:59
തൃപ്പൂണിത്തുറ: ചെരുപ്പ്‌ കച്ചവടമെന്ന വ്യാജേന വഴിയരികില്‍വെച്ച്‌ മയക്കുമരുന്നു വില്‍പന നടത്തിയ കേസിലെ പ്രതിയെ തൃപ്പൂണിത്തുറ എസ്‌.ഐ. പി.ആര്‍. സന്തോഷ്‌കുമാറും സംഘവും അറസ്‌റ്റ് ചെയ്‌തു. എരൂര്‍ മട്ടില്‍പറമ്പില്‍ ബൈജു (29) വാണ്‌ പിടിയിലായത്‌. സിഗററ്റിന്റെ ഒഴിഞ്ഞ പാക്കറ്റിലാക്കിയാണ്‌ പ്രതി ആംപ്യൂളുകള്‍ വില്‍പന നടത്തിയിരുന്നത്‌. കഴിഞ്ഞദിവസം പള്ളുരുത്തി സ്വദേശി സിബി (29) നെ വാഹനപരിശോധനയ്‌ക്കിടെ തൃപ്പൂണിത്തുറ പോലീസ്‌ പിടികൂടിയിരുന്നു. സിബിനില്‍ നിന്നും മയക്കുമരുന്നു വാങ്ങിയാണ്‌ ബൈജു വില്‍പന നടത്തിയിരുന്നത്‌. പ്രതിയെ കോടതിയില്‍ ഹാജരാക്കി റിമാന്‍ഡ്‌ ചെയ്‌തു.
from kerala news edited
via IFTTT
