Story Dated: Monday, December 29, 2014 01:26
തൃക്കൈപ്പറ്റ: മെതിയന്ത്രത്തില്‍ കുരുങ്ങി ആദിവാസി തൊഴിലാളിയുടെ കൈയറ്റു. മുക്കന്‍കുന്ന്‌ താഴെ മുക്കത്ത്‌ കോളനിയില്‍ കാമാക്ഷിയുടെ കൃഷിയിടത്തില്‍ നെല്ല്‌ പതിക്കുന്നതിനിടെ തൃക്കൈപ്പറ്റ ഗോവിന്ദന്‍പാറ പണിയ കോളനിയിലെ നാരായണ(42)ന്റെ ഇടതുകൈയാണ്‌ യന്ത്രത്തില്‍ കുടുങ്ങിയത്‌. ഞായറാഴ്‌ച വൈകിട്ടാണ്‌ അപകടം. കൈപ്പത്തി അറ്റുപോയ നാരായണനെ കോഴിക്കോട്‌ മെഡിക്കല്‍കോളേജ്‌ ആശുപത്രിയില്‍ പ്രവേശിപ്പിച്ചു.
ആദിവാസികള്‍ക്ക്‌ യന്ത്രം പ്രവര്‍ത്തിപ്പിക്കുന്നതിനുള്ള പരിശീലനം പൂര്‍ത്തിയായതായാണ്‌ അധികൃതര്‍ പറയുന്നത്‌. എന്നാല്‍ മതിയായ പരിശീലനം ലഭിക്കാത്ത ആദിവാസികളാണ്‌ യന്ത്രം ഉപയോഗിക്കുന്നതെന്ന്‌ ആക്ഷേപമുയര്‍ന്നിട്ടുണ്ട്‌.
from kerala news edited
via IFTTT
