Story Dated: Monday, December 29, 2014 08:18
പാലാ: ന്യൂസിലന്‍ഡില്‍ വാഹനാപകടത്തില്‍ പാലാ സ്വദേശിയായ മെയില്‍ നഴ്‌സ്‌ ഉള്‍പ്പെടെ നാല്‌ മലയാളികള്‍ മരിച്ചു. പാലാ ഇടമറ്റം നെല്ലാലയില്‍ ഹരിദാസിന്റെ മകന്‍ മനോജാണ്‌(31) മരിച്ചത്‌. മനോജിന്റെ ഭാര്യ മീരാലക്ഷ്‌മി (കോഴിക്കോട്‌) ന്യൂസിലന്‍ഡില്‍ നഴ്‌സാണ്‌. ന്യൂസിലന്‍ഡില്‍ മെയില്‍ നഴ്‌സായി ജോലി ലഭിച്ച മനോജ്‌ ഒരു വയസുള്ള മകന്‍ ഭഗത്തിനൊപ്പം കഴിഞ്ഞ ഏഴിനാണ്‌ നാട്ടില്‍നിന്ന്‌ പോയത്‌. ശനിയാഴ്‌ചയാണ്‌ ഇയാള്‍ ന്യൂസിലന്‍ഡില്‍ ജോലിയില്‍ പ്രവേശിച്ചത്‌. സഹപ്രവര്‍ത്തകരായ സുഹൃത്തുക്കള്‍ക്കൊപ്പം കാറില്‍ യാത്ര ചെയ്യുമ്പോള്‍ എതിരേവന്ന ട്രക്കുമായി കൂടിയിടിച്ചാണ്‌ അപകടമെന്നാണ്‌ നാട്ടില്‍ വിവരം ലഭിച്ചത്‌. ഇന്ത്യന്‍സമയം ഇന്നലെ പുലര്‍ച്ചെ 2.30-നായിരുന്നു അപകടം. അമ്മ ലൈല ഇടമറ്റം വരിക്കനെല്ലിക്കല്‍ പാമ്പ്‌ളാനിയില്‍ കുടുംബാംഗം. സഹോദരങ്ങള്‍: മനീഷ്‌, മജ്‌ഞു ഗോപകുമാര്‍ (ഇടനാട്‌).
from kerala news edited
via IFTTT
