Story Dated: Saturday, January 3, 2015 09:02
ബേണ്‍: സ്‌കീയിംഗ്‌ അപകടത്തെ തുടര്‍ന്നുണ്ടായ കോമയില്‍ നിന്ന്‌ മുക്‌തനായ ഇതിഹാസ കാറോട്ട താരം മൈക്കല്‍ ഷൂമാക്കര്‍ പ്രതികരിച്ചു തുടങ്ങിയതായി റിപ്പോര്‍ട്ട്‌. തന്റെ മക്കളുടെ ശബ്‌ദം തിരിച്ചറിഞ്ഞ ഷൂമാക്കര്‍ കരഞ്ഞതായി യൂറോപ്യന്‍ മാധ്യമങ്ങള്‍ റിപ്പോര്‍ട്ട്‌ ചെയ്യുന്നു. തന്റെ മക്കളായ മൈക്ക്‌, ജിന മറിയ എന്നിവരെയാണ്‌ ഷൂമാക്കര്‍ തിരിച്ചറിഞ്ഞത്‌.
ഭാര്യ കോര്‍ന്നിയയുടെ ശബ്‌ദവും ഷൂമാക്കര്‍ തിരിച്ചറിയുന്നുണ്ട്‌. ഇന്ന്‌ സ്വിറ്റസര്‍ലണ്ടില്‍ നടന്ന മൈക്കല്‍ ഷൂമാക്കറിന്റെ ജന്മദിനാഘോഷ ചടങ്ങില്‍ വച്ചാണ്‌ അദ്ദേഹം മക്കളുടെയും ഭാര്യയുടെയും ശബ്‌ദം തിരിച്ചറിഞ്ഞത്‌. കഴിഞ്ഞ ജൂണില്‍ ആശുപത്രി വിട്ട ഷൂമാക്കറുടെ ആരോഗ്യനിലയില്‍ നല്ല പുരോഗതി ഉണ്ടായിരുന്നു.
2013 ഡിസംബറില്‍ ഫ്രാന്‍സിലെ ആല്‍പ്‌സ് പര്‍വതനിരയില്‍ വച്ച്‌ ഉണ്ടായ അപകടത്തില്‍ ഗുരുതരമായി പരുക്കേറ്റ്‌ കോമയിലായ ഷൂമാക്കര്‍ ജീവിതത്തിലേക്ക്‌ തിരിച്ച്‌ വരില്ലെന്ന്‌ ഡോക്‌ടര്‍മാര്‍ വിധിയെഴുതിയിരുന്നു. എന്നാല്‍ അദ്ദേഹത്തിന്റെ ആരോഗ്യനിലയിലെ പുരോഗതി ആരാധകര്‍ക്ക്‌ സന്തോഷ വാര്‍ത്തയാണ്‌.
from kerala news edited
via IFTTT
