Story Dated: Saturday, February 7, 2015 03:52
ചെന്നൈ: മദ്യം വാങ്ങാന്‍ പണമില്ലാത്തതിനാല്‍ എ.ടി.എം കുത്തിതുറന്ന്‌ പണം തട്ടാന്‍ യുവാവിന്റെ ശ്രമം. സംഭവത്തില്‍ പെരിയാര്‍ നഗര്‍ സ്വദേശിയായ ആറുമുഖനെ(42) പോലീസ്‌ അറസ്‌റ്റ് ചെയ്‌തു. തിരുവന്മിയൂര്‍ എല്‍.ബി റോഡിലുള്ള എ.ടി.എമ്മാണ്‌ ആറുമുഖന്‍ കുത്തിതുറക്കാന്‍ ശ്രമിച്ചത്‌.
വെളുപ്പിനെ രണ്ട്‌ മണിയ്‌ക്ക് ആറുമുഖന്‍ എ.ടി.എം ബൂത്തിലെത്തി ഇരുമ്പ്‌ വടി ഉപയോഗിച്ച്‌ മെഷീന്‍ തകര്‍ക്കുവാന്‍ ശ്രമിക്കുകയായിരുന്നു. തുടര്‍ന്ന്‌ സി.സി.ടിവിക്യാമറ ശ്രദ്ധയില്‍പ്പെട്ട യുവാവ്‌ ക്യാമറ നശിപ്പിച്ചു. എ.ടി.എമ്മില്‍ സെക്യൂരിറ്റി ഉണ്ടായിരുന്നില്ല.
എ.ടി.എം തകര്‍ക്കുവാന്‍ ശ്രമിക്കുന്നതിനിടെ ബാങ്ക്‌ മാനേജരുടെ ഫോണിലേക്ക്‌ ഇത്‌ സംബന്ധിച്ച മെസേജ്‌ വന്നു. മാനേജര്‍ ഉടന്‍ പോലീസിനെ വിവരം അറിയിച്ചു. തുടര്‍ന്ന്‌ സംഭവ സ്‌ഥലത്തെത്തിയ പോലീസിന്‌ മെഷീന തകര്‍ക്കാന്‍ ഉപയോഗിച്ച ഇരുമ്പ്‌ വടി ലഭിച്ചു. സി.സി.ടിവിയില്‍ നിന്നും ലഭിച്ച ദൃശയത്തിന്റെ സഹായത്തോടെ ആറുമുഖനെ പോലീസ്‌ കണ്ടെത്തി. ഇയാള്‍ മദ്യപാനിയാണെന്നും മദ്യം വാങ്ങുവാന്‍ പണം ഇല്ലാതായപ്പോള്‍ എ.ടി.എം കുത്തിതുറന്ന്‌ പണം തട്ടാന്‍ ശ്രമിക്കുകയായിരുന്നുവെന്നും പോലീസ്‌ പറഞ്ഞു. അടുത്തിടെ നടന്ന മറ്റ്‌ എ.ടി.എം കവറച്ചകളില്‍ ഇയാള്‍ക്ക്‌ പങ്കുണ്ടോയെന്ന്‌ അന്വേഷിച്ച്‌ വരികയാണെന്ന്‌ പോലീസ്‌ അറിയിച്ചു.
from kerala news edited
via IFTTT
