നീതി ആയോഗ്‌ യോഗം തുടങ്ങി; പ്രതീക്ഷയോടെ മോഡി

Story Dated: Sunday, February 8, 2015 11:37

ന്യൂഡല്‍ഹി: പ്രധാനമന്ത്രി നരേന്ദ്രമോഡിയുടെ പ്രഥമ പരിഷ്‌ക്കരണം എന്ന രീതിയില്‍ ശ്രദ്ധേയമായ നീതി ആയോഗിന്റെ ആദ്യ യോഗം തുടങ്ങി. ഡല്‍ഹിയില്‍ പ്രധാന മന്ത്രിയുടെ നേതൃത്വത്തില്‍ നടക്കുന്ന യോഗം സംസ്‌ഥാനങ്ങളും കേന്ദ്രവും തമ്മിലുള്ള മികച്ച ആശയവിനിമയമായി മാറുമെന്നാണ്‌ ബിജെപിയുടെ പ്രതീക്ഷ.

ബജറ്റ്‌ സമ്മേളനത്തിന്‌ മുമ്പായി സംസ്‌ഥാനങ്ങളുടെ ആവശ്യങ്ങളും പരിഗണിക്കേണ്ട വിഷയങ്ങളും തമ്മിലുള്ള ഒരു ക്രോഡീകരണം സൃഷ്‌ടിക്കുന്നതിനാണ്‌ യോഗം വിളിച്ചിട്ടുള്ളതെന്നാണ്‌ വിലയിരുത്തല്‍. ഇതുമായി ബന്ധപ്പെട്ട്‌ കഴിഞ്ഞയാഴ്‌ച വിദഗ്‌ദ്ധരുടെ ഒരു ആലോചനായോഗം ചേര്‍ന്നിരുന്നു.

സര്‍ക്കാരിന്റെ പുതിയ പരിപാടികളായ സ്വച്‌ഛ് ഭാരത്‌ മിഷന്‍, ബേട്ടി ബചാവോ ബേഠി പഠാവോ, സ്‌മാര്‍ട്ട്‌ സിറ്റി, മേക്ക്‌ ഇന്‍ ഇന്ത്യ തുടങ്ങിയ പദ്ധതികളെകുറിച്ച്‌ നിര്‍ദേശങ്ങള്‍ അറിയിക്കാനും പ്രധാനമന്ത്രി ആവശ്യപ്പെട്ടിട്ടുണ്ട്‌. പ്രധാനമന്ത്രിയായി തെരഞ്ഞെടുക്കപ്പെട്ടതിന്‌ തൊട്ടു പിന്നാലെയാണ്‌ നീതി ആയോഗ്‌ പ്രധാനമന്ത്രി പ്രഖ്യാപിച്ചത്‌. ജനുവരി 1 മുതല്‍ നിലവില്‍ വരികയും ചെയ്‌തു.

from kerala news edited

via IFTTT