Story Dated: Sunday, February 8, 2015 09:52
തിരുവനന്തപുരം: ഓണ്‍ലൈന്‍ തട്ടിപ്പിലൂടെ കോടികള്‍ അപഹരിച്ച പ്രതികളെ തിരുവന്തപുരത്ത്‌ എത്തിച്ചു. മൂന്ന്‌ നൈജീരിയക്കാരും ഒരു ഇന്ത്യക്കാരനുമുള്‍പ്പെടുന്ന സംഘത്തിനെ കഴിഞ്ഞ്‌ മൂന്നിന്‌ പ്രത്യേക അന്വേഷണ സംഘം ഡെല്‍ഹിയില്‍ നിന്നാണ്‌ അറസ്‌റ്റ് ചെയ്‌തത്‌.
ഇവരെ തിങ്കളാഴ്‌ച കോടതിയില്‍ ഹാജരാക്കും. തുടര്‍ന്ന്‌ കൂടുതല്‍ ചോദ്യം ചെയ്യുന്നതിനായി പ്രതികളെ കസ്‌റ്റഡിയില്‍ ആവശ്യപ്പെടുമെന്നും പോലീസ്‌ അറിയിച്ചു. തിരുവനന്തപുരം തിരുമല സ്വദേശി നീതു നായരുടെ പരാതിയന്മേലാണ്‌ പ്രതികളെ പോലീസ്‌ അറസ്‌റ്റ് ചെയ്‌തത്‌. ഇന്ത്യയില്‍ തുടങ്ങാനിരിക്കുന്ന ആശുപത്രിയില്‍ പാര്‍ട്‌ണര്‍ ആക്കാം എന്ന്‌ തെറ്റിധരിപ്പിച്ചാണ്‌ പ്രതികള്‍ തട്ടിപ്പ്‌ നടത്തിയത്‌. ഇതുമായി ബന്ധപ്പെട്ട്‌ തട്ടിപ്പ്‌ സംഘം അയച്ച മെസേജിന്റെ അടിസ്‌ഥാനത്തില്‍ നീതു പലപ്പോഴായി മൂന്ന്‌ ലക്ഷം രൂപ അക്കൗണ്ടിലിട്ടു.
സംഘം വീണ്ടും പണം ആവശ്യപ്പെട്ടതിനെ തുടര്‍ന്ന്‌ നീതു പോലീസില്‍ പരാതി നല്‍കുകയായിരുന്നു. തുടര്‍ന്ന്‌ പോലീസ്‌ നടത്തിയ അന്വേഷണത്തില്‍ നൈജീരിയന്‍ സംഘമാണ്‌ തട്ടിപ്പിന്‌ പിന്നിലെന്ന്‌ വ്യക്‌തമായി. റജിസ്‌റ്റര്‍ ചെയ്യാത്ത കേസിലുള്‍പ്പെടെ കോടികളുടെ തട്ടിപ്പ്‌ സംഘം നടത്തിയിട്ടുണ്ടെന്ന്‌ പാലീസ്‌ അറിയിച്ചു.
from kerala news edited
via IFTTT
