Story Dated: Saturday, February 7, 2015 03:23
ലഖ്‌നോ: ഉത്തര്‍പ്രദേശില്‍ ഇനി ഗോ വധം, മൃഗക്കടത്ത് തുടങ്ങിയ കുറ്റകൃത്യങ്ങളെ ഗുണ്ടാ നിയമത്തിന്റെ പട്ടികയില്‍ ഉള്‍പ്പെടുത്തി. ഇവയ്ക്കു പുറമേ മനുഷ്യക്കടത്ത്, കുട്ടികള്‍ക്കെതിരായ കുറ്റകൃത്യം, ലൈംഗിക ചൂഷണം, നിയമവിരുദ്ധമായ അവയവമാറ്റം, വനനിയമത്തിന്റെ പരിധിയില്‍ വരുന്ന കുറ്റങ്ങള്‍, നിര്‍ബന്ധിത തൊഴില്‍, കള്ളപ്പണം വെളുപ്പിക്കല്‍, യാചന തുടങ്ങിയവയെയും ഗുണ്ടാ നിയമത്തിന്റെ പരിധിയില്‍ ഉള്‍പ്പെടുത്തി. ഇതു സംബന്ധിച്ച ഉത്തര്‍പ്രദേശ് കണ്‍ട്രോള്‍ ഓഫ് ഗുണ്ടാ (ഭേദഗതി) ഓര്‍ഡിനന്‍സ് ഗവര്‍ണര്‍ രാം നായിക് വെള്ളിയാഴ്ച അംഗീകരിച്ചു. 1970ലെ യു.പി ഗുണ്ടാ ആക്ട് പരിഷകരിച്ച് കൂടുതല്‍ കുറ്റകൃത്യങ്ങളെ നിയമത്തിന്റെ പരിധിയില്‍ ഉള്‍പ്പെടുത്തുന്നതാണ് ഓര്‍ഡിനന്‍സ് എന്ന് രാജ്ഭവന്‍ വക്താവ് അറിയിച്ചു.
ഈ മാസം 18ന് ആരംഭിക്കുന്ന നിയമസഭാ സമ്മേളനത്തില്‍ ഓര്‍ഡിനന്‍സ് നിയമമാക്കുന്നതിനുള്ള ബില്ലുകള്‍ അവതരിപ്പിക്കും.
from kerala news edited
via IFTTT
