കുടുംബപ്രാര്‍ഥന
Posted on: 22 Feb 2015
ന്യൂഡല്‍ഹി: എസ്.എന്‍.ഡി.പി. കിങ്‌സ് വെ ക്യാമ്പ് ശാഖയുടെ പ്രതിമാസ കുടുംബപ്രാര്‍ഥന ഞായറാഴ്ച വൈകീട്ട് നാലരയ്ക്ക് സന്ത് നഗര്‍ പെപ്‌സി റോഡിലെ ഹരിത് വിഹാര്‍ സി വണ്‍ 20ല്‍ നടക്കും.
രാമായണോത്സവത്തില്‍ സീതാസ്വയംവരവുമായി മലയാളി
ന്യൂഡല്‍ഹി: ഇതിഹാസകൃതിയായ രാമായണത്തിന്റെ കഥകളിലൂടെ നഗരം ദൃശ്യസഞ്ചാരം നടത്തുമ്പോള്‍ സീതാസ്വയംവരത്തിന്റെ കഥകളിദൃശ്യമൊരുക്കി മലയാളി കലാസംഘം. മണ്ഡി ഹൗസിലെ ഫിക്കി ഓഡിറ്റോറിയത്തില്‍ 27-ന് നടക്കുന്ന രാമായണ മഹോത്സവത്തില്‍ കലാമണ്ഡലം രാമന്‍കുട്ടിയും സംഘവുമാണ് സീതാസ്വയംവരം കാണികള്‍ക്ക് മുന്നില്‍ സാക്ഷാത്കരിക്കുക. ശ്രീരാമന്‍ ത്രൈയംബകം വില്ലൊടിച്ച് സീതയെ വരിച്ചതും വിവാഹശേഷം പരശുരാമനുമായുള്ള ഏറ്റുമുട്ടലുമൊക്കെ തലസ്ഥാനത്തെ കാഴ്ചയാവും. തായ്‌ലന്‍ഡ് കലാസംഘവുമായി സഹകരിച്ചുള്ളതാണ് രാമന്‍കുട്ടിയുടെ രംഗാവിഷ്‌കാരം. 23-ന് പ്രധാനമന്ത്രി നരേന്ദ്രമോദി ഉദ്ഘാടനം ചെയ്തതാണ് രാമായണോത്സവം. എട്ടുരാജ്യങ്ങള്‍ പങ്കെടുക്കുന്നതാണ് രാമായണമേള. എസ്.പി.ജി.യില്‍ സേവനമനുഷ്ഠിക്കുന്ന കലാമണ്ഡലം രാമന്‍കുട്ടി ഏറെക്കാലമായി തലസ്ഥാനത്തെ കഥകളിയരങ്ങിലെ സാന്നിധ്യമാണ്. ഭാര്യയും മക്കളുമൊക്കെ കലാപ്രതിഭകളാണ്. 27-ന് വൈകീട്ട് ആറരയ്ക്കാണ് സീതാസ്വയംവരം. രാമായണോത്സവത്തില്‍ പങ്കെടുക്കാനായത് അഭിമാനകരമായ അവസരമാണെന്ന് അദ്ദേഹം പറഞ്ഞു.
യമുനാപ്രക്ഷോഭം ഇന്ന് ജന്തര്‍മന്ദറില്‍
ന്യൂഡല്‍ഹി: യമുനാമുക്തീകരണ്‍ അഭിയാന്റെ നേതൃത്വത്തില്‍ യമുനാ ശുചീകരണം ആവശ്യപ്പെട്ട് ഞായറാഴ്ച ഉച്ചയ്ക്ക് ഒരു മണിക്ക് പാര്‍ലമെന്റിനു സമീപം ജന്തര്‍മന്ദറില്‍ ധര്‍ണ നടക്കും. അടുത്ത മാസം 15-ന് കോശികലാനില്‍നിന്ന് പുറപ്പെടുന്ന പദയാത്രയ്ക്ക് മുന്നോടിയായാണ് ധര്‍ണ. സമരക്കാര്‍ വിവിധ കേന്ദ്രമന്ത്രിമാരുമായും ചര്‍ച്ച നടത്തും.
from kerala news edited
via IFTTT
