Story Dated: Saturday, February 21, 2015 01:55
കൂരാച്ചുണ്ട്‌: കക്കയം 28-ാം മൈലില്‍ കല്ലാനോടു ഭാഗത്തേക്ക്‌ കുത്തനെയുള്ള ഇറക്കത്തില്‍ സ്വകാര്യജീപ്പ്‌ അമ്പതടി താഴ്‌ചയുള്ള കൊക്കയിലേക്ക്‌ മറിഞ്ഞ്‌ എട്ടുപേര്‍ക്ക്‌ പരുക്കേറ്റു. വണ്ടൂര്‍ ചാത്തങ്കോട്ട്‌പുറം സ്വദേശികള്‍ക്കാണ്‌ പരുക്കേറ്റത്‌. ഇതില്‍ ഡ്രൈവര്‍ ബീരാന്‍ കുട്ടി (45) യുടെ നില ഗുരുതരമാണ്‌. ഷിനോജ്‌ (28), ഇസ്‌മായില്‍ (41), നൂറുദ്ദീന്‍ (24), സുരേഷ്‌കൃഷ്‌ണ (24), റിയാസ്‌ (32), ഷംസീര്‍ (27), കുഞ്ഞുമുഹമ്മദ്‌ (47) എന്നിവര്‍ക്കാണ്‌ പരുക്കേറ്റത്‌.ഇവരെ കോഴിക്കോട്‌ മെഡിക്കല്‍ കോളജില്‍ പ്രവേശിപ്പിച്ചു. കൂരാച്ചുണ്ട്‌ എസ്‌.ഐ മാരായ ദേവദാസ്‌, അലിക്കുഞ്ഞ്‌ എന്നിവരും, പേരാമ്പ്ര ഫയര്‍ഫോഴ്‌സും ഓടികൂടിയ നാട്ടുകാരും രക്ഷാപ്രവര്‍ത്തനം നടത്തി.
from kerala news edited
via IFTTT
