സൗജന്യ കുടിവെള്ള പദ്ധതികള്‍ നടപ്പിലാക്കും
Posted on: 21 Feb 2015
അബുദാബി: അബു ദാബി കെ.എം.സി.സി ഉദുമ പഞ്ചായത്ത് കമ്മിറ്റിയുടെ ആഭിമുഖ്യത്തില്‍ ഉദുമ പക്യാരയില്‍ സൗജന്യ കുടിവെള്ള പദ്ധതികള്‍ നടപ്പില്‍ വരുത്തുവാനുള്ള രൂപരേഖ മദീനത്ത് സയിദില്‍ ചേര്‍ന്ന പ്രവര്‍ത്തക കണ്‍വെന്‍ഷനില്‍ തീരുമാനിച്ചു. അനീസ് മാങ്ങാടിന്റെ അധ്യക്ഷതയില്‍ കെ.ബി.എം.ഷരീഫ് കണ്‍വെന്‍ഷന്‍ ഉദ്ഘാടനം ചെയ്തു. കലീലുറഹ്മാന്‍ കാശ്ഫി ഷാര്‍ജയുടെ പ്രഭാഷണവും കാസറഗോഡ് ജില്ല കെ.എം.സി.സി പ്രസിഡന്റ് പി.കെ.അഹമ്മദ് അംഗത്വ വിതരണ ഉദ്ഘാടനവും നടത്തി. ജില്ലാ സെക്രട്ടറി പൊവ്വല്‍ അബ്ദുല്‍ റഹിമാന്‍, ഉദുമ മണ്ഡലം പ്രസിഡന്റ് അബ്ദുല്‍ അസീസ് കിഴൂര്‍, ജനറല്‍ സെക്രട്ടറി ഷമീര്‍ മാസ്റ്റര്‍, നൌഷാദ മിഹ്രാജ്, ആലൂര്‍ ഷാഫി,അബ്ബാസ് കാപ്പില്‍ , സാദത്ത് എന്നിവര്‍ പ്രസംഗിച്ചു. സ്വാഗത സംഘ കണ്‍വീനര്‍ മുഹമ്മദ് ഹനീഫ് സ്വാഗതവും അബിദ് നാലാം വാതുക്കല്‍ നന്ദിയും പറഞ്ഞു.
വാര്‍ത്ത അയച്ചത് : മുഹമ്മദ് ഹനീഫ
from kerala news edited
via IFTTT
