Story Dated: Sunday, February 22, 2015 02:15
പാലക്കാട്‌: പള്‍സ്‌ പോളിയോയുടെ രണ്ടാം ഘട്ടം ഇന്ന്‌ ജില്ലയില്‍ നടക്കും. അഞ്ച്‌ വയസില്‍ താഴെയുളള 235005 കുഞ്ഞുങ്ങള്‍ക്ക്‌ പോളിയോ തുളളിമരുന്ന്‌ നല്കാനുളള ഒരുക്കങ്ങള്‍ പൂര്‍ത്തിയായി. 1972 പോളിയോ ബൂത്തുകളും, 71 മൊബൈല്‍ ബൂത്തുകളും ബസ്‌ സ്‌റ്റാന്‍ഡ്‌, റെയില്‍വേ സ്‌റ്റേഷന്‍, ചെക്ക്‌പോസ്‌റ്റുകള്‍ എന്നിവിടങ്ങളില്‍ 69 ട്രാന്‍സിസ്‌റ്റ് ബൂത്തുകളും തയ്യാറാക്കിയിട്ടുണ്ട്‌. അംഗന്‍വാടികളും പ്രാഥമികാരോഗ്യ കേന്ദ്രങ്ങളും, ഉപകേന്ദ്രങ്ങളും, സര്‍ക്കാര്‍-സ്വകാര്യ ആശുപത്രികളും, മറ്റ്‌ തെരഞ്ഞെടുത്ത കേന്ദ്രങ്ങളുമാണ്‌ പോളിയോ ബൂത്തുകളായി പ്രവര്‍ത്തിക്കുന്നത്‌.
അന്യ സംസ്‌ഥാന തൊഴിലാളികളുടെ തൊഴില്‍ സ്‌ഥലങ്ങളിലും ക്യാംപുകളിലും കുഞ്ഞുങ്ങള്‍ക്ക്‌ പോളിയോ തുളളിമരുന്ന്‌ നല്കാനുളള പ്രവര്‍ത്തനങ്ങളും പൂര്‍ത്തിയായി. അഞ്ച്‌ വയസില്‍ താഴെയുളള എല്ലാ കുഞ്ഞുങ്ങള്‍ക്കും ഏറ്റവും അടുത്തുളള പോളിയോ ബൂത്തില്‍ നിന്നും പോളിയോ വാക്‌സിന്‍ നല്‍കാന്‍ രക്ഷാകര്‍ത്താക്കള്‍ തതാറാകണമെന്ന്‌ ഡി.എം.ഒ. അറിയിച്ചു.
from kerala news edited
via IFTTT
