ബി.ജെ.പി. നഗരസഭാംഗം കൈയേറ്റം ചെയ്തതായി പ്രവര്‍ത്തകയുടെ പരാതി
Posted on: 06 Dec 2014
മൈസൂരു: മൈസൂരു കോര്‍പ്പറേഷനിലെ ബി.ജെ.പി. അംഗം കൈയേറ്റം ചെയ്തതായി പാര്‍ട്ടി പ്രവര്‍ത്തകയുടെ പരാതി. കോര്‍പ്പറേഷന്‍ അംഗം ജഗദീഷിനെതിരെ വനജ ബീമയ്യയാണ് സിറ്റി പോലീസ് കമ്മീഷണര്‍ക്ക് പരാതിനല്‍കിയത്. ഇതിന്റെ അടിസ്ഥാനത്തില്‍ പോലീസ് കേസെടുത്തു.
മൈസൂരുവിലെ 15-ാം വാര്‍ഡില്‍ നടന്ന ഉപതിരഞ്ഞെടുപ്പുമായി ബന്ധപ്പെട്ടാണ് കൈയേറ്റമുണ്ടായത്. പ്രചാരണ പരിപാടികള്‍ക്കുശേഷം മറ്റു വനിതാ പ്രവര്‍ത്തകര്‍ക്കൊപ്പം വിശ്രമിക്കുകയായിരുന്ന വനജയെ ഇവിടെയെത്തിയ ഭീമയ്യ മര്‍ദിക്കുകയായിരുന്നു. പാര്‍ട്ടിക്കെതിരെ പ്രവര്‍ത്തിച്ചു എന്ന കാരണം പറഞ്ഞ് മറ്റു പാര്‍ട്ടി പ്രവര്‍ത്തകരുടെ മുന്നില്‍വെച്ച് അസഭ്യവാക്കുകള്‍ ചൊരിഞ്ഞുകൊണ്ടായിരുന്നു മര്‍ദനം. പരിക്കേറ്റ ഇവര്‍ ആസ്പത്രിയില്‍ ചികിത്സതേടി. എ.സി.പി. ഗീതയുടെ നേതൃത്വത്തില്‍ അന്വേഷണം ആരംഭിച്ചു.
from kerala news edited
via IFTTT
