Story Dated: Friday, December 5, 2014 06:51
പുനലൂര്‍: പുനലൂര്‍ ഉപജില്ലാ സ്‌കൂള്‍ കലോത്സവം പുനലൂര്‍ ബോയ്‌സ് ഹയര്‍ സെക്കന്‍ഡറി സ്‌കൂളിലും ഗേള്‍സ്‌ ഹൈസ്‌കൂളിലും ആരംഭിച്ചു. പുനലൂര്‍ എ.ഇ.ഒ എം.എം. സത്യന്‍ പതാക ഉയര്‍ത്തി. ജില്ലാ പഞ്ചായത്ത്‌ പ്രസിഡന്റ്‌ എസ്‌. ജയമോഹന്‍ മേള ഉദ്‌ഘാടനം ചെയ്‌തു. നഗരസഭാ അധ്യക്ഷ രാധാമണി വിജയാനന്ദ്‌ അധ്യക്ഷയായിരുന്നു. ഉപജില്ലയിലെ 80-ല്‍പ്പരം സ്‌കൂളുകളില്‍നിന്നും എല്‍.പി, യു.പി, എച്ച്‌.എസ്‌, എച്ച്‌.എസ്‌.എസ്‌ വിഭാഗങ്ങളിലായി നാലായിരത്തില്‍പ്പരം കലാപ്രതിഭകള്‍ പങ്കെടുക്കും.
എസ്‌.ഇ. സഞ്‌ജയ്‌ഖാന്‍, നഗരസഭ സ്‌ഥിരം സമിതി അംഗങ്ങളായ മിനി മധുകുമാര്‍, ഡി. ദിനേശന്‍, സ്‌കൂള്‍ മാനേജര്‍ എന്‍. മഹേശന്‍, കുന്നിക്കോട്‌ ഷാജഹാന്‍, ഗോപിനാഥന്‍നായര്‍, കെ. ഹരികുമാരന്‍പിള്ള, നസീമാബീവി, രാധാമണി എന്നിവര്‍ പ്രസംഗിച്ചു.
from kerala news edited
via IFTTT
