സംഗീതസംവിധായകന്‍ ഏ ആര്‍ റഹ്മാന്‍ പ്രത്യക്ഷപ്പെടുന്ന ആദ്യത്തെ തെന്നിന്ത്യന്‍ പരസ്യം. അതും മലയാളത്തില്‍. മലയാളിയായ ഗോപിനാഥ മേനോന്‍ ആശയവും സംവിധാനവും നിര്‍വ്വഹിക്കുന്ന സുല്‍ത്താന്‍ഗോള്‍ഡിന്റെ പരസ്യചിത്രത്തിലാണ് റഹ്മാന്‍ പ്രത്യക്ഷപ്പെടുന്നത്. ഇതാദ്യമായാണ് റഹ്മാന്‍ ഒരു കേരളീയ സ്ഥാപനത്തിന്റെ ഒരു ബ്രാന്‍ഡ് അംബാസിഡറാവുന്നത്. ഓസ്‌കറിനും ഡോക്ടറേറ്റിനു ശേഷം റഹ്മാന്‍ പ്രത്യക്ഷപ്പെടുന്ന ആദ്യത്തെ പരസ്യചിത്രവുമാണിത്.
സ്വര്‍ണക്കടയുടെ പരസ്യമാണെങ്കിലും സ്ത്രീധനവിരുദ്ധ സന്ദേശം അടങ്ങിയ പരസ്യത്തിന്റെ ആശയമാണ് റഹ്മാനെ ആകര്‍ഷിച്ചത്്. അദ്ദേഹത്തോടൊപ്പമുള്ള ചിത്രീകരണത്തിന്റെ ആദ്യഘട്ടം മുംബൈയില്‍ പൂര്‍ത്തിയായി. ജീവിതത്തില്‍ കിട്ടിയ ഒരസുലഭ നിമിഷങ്ങളായിരുന്നു അത്. അദ്ദേഹം നല്ലൊരു സംഗീതഞ്ജന്‍ മാത്രമല്ല മികച്ച നടന്‍ കൂടിയാണെന്ന് ഈ ചുരുങ്ങിയ സമയം കൊണ്ട് തന്നെ മനസിലായി-ബെഞ്ചമാര്‍ക്ക് ഇന്റര്‍നാഷണലിന്റെ സി ഇ ഒ കൂടിയായ ഗോപിനാഥ മേനോന്‍ പറഞ്ഞു.
ഭാരതി എയര്‍ടെല്ലിന്റെ പരസ്യത്തില്‍ പ്രത്യക്ഷപ്പെട്ട റഹ്മാന്‍ ടയോട്ട, വോഗ്,ജെ ബി എല്‍, കാസിയോ തുടങ്ങിയ അന്താരാഷ്ട്ര ബ്രാന്‍ഡുകളുടെ പരസ്യത്തില്‍ മാത്രമേ പിന്നീട് പ്രത്യക്ഷപ്പെട്ടിട്ടുള്ളൂ.
കര്‍ണാടകയിലും കേരളത്തിലുമായി ബിസിനസ് വിപുലപ്പെടുത്തുന്നതിന്റെ ഭാഗമായാണ് സുല്‍ത്താന്‍ ഗോള്‍ഡ് ഏ ആര്‍ റഹ്മാനെ പോലുള്ള ഒരു സെലിബ്രിറ്റിയെ ബ്രാന്‍ഡ് അംബാസിഡറാക്കിയത്. കേരളത്തില്‍ ഇതിന്റെ ഉദ്ഘാടനം ഫിബ്രവരിയിലായിരിക്കും. ഉദ്ഘാടനത്തിനും റഹ്മാന്‍ കേരളത്തില്‍ എത്തും. ജനവരി 15 ഓടെ പരസ്യചിത്രം റിലീസ് ചെയ്യും.
from kerala news edited
via IFTTT
