Story Dated: Friday, January 30, 2015 02:49
പാലക്കാട്‌: പെട്രോള്‍, ഡീസല്‍ വിലകുറക്കാന്‍ നടപടി സ്വീകരിക്കണമെന്നാവശ്യപ്പെട്ട്‌ നാലിന്‌ വാഹനങ്ങള്‍ നിരത്തിലിറക്കാതെ അഖിലേന്ത്യാ ബന്ദ്‌ ആചരിക്കണമെന്ന്‌ ഇന്ത്യ മുന്നോട്ട്‌ സംഘടന പത്രസമ്മേളനത്തില്‍ ആവശ്യപ്പെട്ടു. എണ്ണ വില ഏഴ്‌ മാസം കൊണ്ട്‌ അന്തരാഷ്‌ട തലത്തില്‍ നേര്‍ പകുതിയായിട്ടും പൊതുമേഖല എണ്ണകമ്പനിക്കൊപ്പം റിലയന്‍സും എസ്സാറും പോലുള്ള സ്വകാര്യകമ്പനികള്‍ ലാഭമൂറ്റുകയാണ്‌. ഇതിനെതിരെ രാഷ്‌ട്രീയ കക്ഷികളൊന്നും രംഗത്ത്‌ വരാത്തതിനെ തുടര്‍ന്നാണ്‌ ഇന്ത്യ മുന്നോട്ട്‌ സംഘടന ജനങ്ങളുടെ സംരക്ഷണത്തിനായി അഖിലേന്ത്യാ വാഹനബന്ദിന്‌ ആഹ്വാനം ചെയ്‌തിരിക്കുന്നതെന്ന്‌ ഭാരവാഹികളായ ഡോ: എം.എന്‍. അന്‍വറുദ്ദീന്‍, പി.വി.ജയന്‍, പാണ്ടിയോട്‌ പ്രഭാകരന്‍, എ.എച്ച്‌. അബ്‌ദുല്‍ജലീല്‍ പത്രസമ്മേളനത്തില്‍ അറിയിച്ചു.
from kerala news edited
via IFTTT
