Story Dated: Friday, January 30, 2015 05:07
ആറ്റിങ്ങല്‍: സ്വകാര്യ ബസില്‍ വിദ്യാര്‍ഥികളെ കയറ്റിയില്ലെന്നാരോപിച്ച്‌ വിദ്യാര്‍ഥികള്‍ ബസ്‌ തടഞ്ഞു. ബസ്‌ ജീവനക്കാരും വിദ്യാര്‍ഥികളും തമ്മില്‍ വാക്കേറ്റം. തോട്ടയ്‌ക്കാട്‌ ഹയര്‍ സെക്കന്‍ഡറി സ്‌കൂള്‍ വിദ്യാര്‍ഥികളാണ്‌ ബസ്‌ തടഞ്ഞത്‌. വൈകിട്ട്‌ സ്‌കൂള്‍ വിട്ടാല്‍ വീട്ടിലെത്താന്‍ വൈകുന്നുവെന്നും മിക്ക ബസുകളും നിര്‍ത്താറില്ലെന്നും വിദ്യാര്‍ഥികള്‍ പറഞ്ഞു. ഇതേ തുടര്‍ന്ന്‌ വിദ്യാര്‍ഥികള്‍ കഴിഞ്ഞ ദിവസം റോഡില്‍ കയറി നിന്ന്‌ ബസ്‌ നിര്‍ത്തിച്ചു.
ക്ഷുഭിതരായ ബസ്‌ ജീവനക്കാര്‍ ബസ്‌ നിര്‍ത്തി വിദ്യാര്‍ഥികളെ ആക്രമിക്കാന്‍ ശ്രമിച്ചു. എന്നാല്‍ വിദ്യാര്‍ഥികളുടെ വന്‍ നിരകണ്ട്‌ ജീവനക്കാര്‍ പിന്‍മാറുകയായിരുന്നു. ഒടുവില്‍ സ്‌റ്റോപ്പില്‍ നിര്‍ത്താമെന്ന്‌ ജീവനക്കാര്‍ സമ്മതിക്കുകയായിരുന്നു. ബസുകള്‍ വഴിയിലെ തടസം നീക്കി എത്തുമ്പോള്‍ മിക്കപ്പോഴും വൈകും. അതാണ്‌ നിര്‍ത്താതെ പോകുന്നതെന്നാണ്‌ ജീവനക്കാര്‍ പറയുന്നത്‌. എന്നാല്‍ ഞങ്ങള്‍ക്ക്‌ വീട്ടിലെത്തേണ്ടേ എന്നാണ്‌ വിദ്യാര്‍ഥികളുടെ ചോദ്യം.
from kerala news edited
via IFTTT
