Story Dated: Thursday, January 29, 2015 08:25
തിക്കാംഗര്‍: മധ്യ പ്രദേശിലെ തിക്കാംഗറില്‍ കോണ്‍ഗ്രസ്‌ നേതാവിന്റെ വീട്ടില്‍ നടന്ന വിവാഹ സല്‍ക്കാരം ആകാശത്തേയ്‌ക്ക് വെടിയുതിര്‍ത്ത്‌ ആഘോഷിക്കുന്നതിന്‌ ഇടയില്‍ ഒരാള്‍ വെടിയേറ്റ്‌ മരിച്ചു. റാം കുമാര്‍ റായിക്കര്‍(28) എന്നയാളാണ്‌ കൊല്ലപ്പെട്ടത്ത്‌. തോക്കില്‍ നിന്ന്‌ നിറയൊഴിച്ച്‌ ആഘോഷിക്കുന്നതിന്‌ ഇടയില്‍ അബദ്ധത്തില്‍ ഇയാള്‍ക്ക്‌ വെടിയേല്‍ക്കുകയായിരുന്നു.
കോണ്‍ഗ്രസ്‌ നേതാവ്‌ രാജേന്ദ്ര തിവാരിയുടെ മകന്‍ വൈഭവ്‌ തിവാരിയുടെ വിവാഹ സല്‍ക്കാരത്തിന്‌ ഇടയിലാണ്‌ അപകടം. ആഘോഷത്തിന്‌ ഇടയില്‍ സ്‌ഥലത്ത്‌ ഉണ്ടായിരുന്ന രണ്ടുപേരുടെ തോക്കില്‍ നിന്നു റാം കുമാറിന്‌ വെടിയേറ്റിരുന്നതായി പോലീസ്‌ ഉദ്യോഗസ്‌ഥര്‍ വെളിപ്പെടുത്തി.
കൊലപാതകവുമായി ബന്ധപ്പെട്ട്‌ ലാലു യാദവ്‌, ചന്ദു അഹിര്‍വാര്‍ എന്നിവരെ പോലീസ്‌ അന്വേഷിച്ച്‌ വരുകയാണ്‌. ഇരുവരും ഒളിവിലാണെന്നും ഉടന്‍ പിടിയിലാകുമെന്നും അധികൃതര്‍ അറിയിച്ചു. പ്രദേശത്ത്‌ നഗരസഭാ തെരഞ്ഞെടുപ്പ്‌ നടക്കാനിരിക്കെ നടന്ന സംഭവം കോണ്‍ഗ്രസിനെ സമ്മര്‍ദത്തിലാക്കുമെന്നാണ്‌ റിപ്പോര്‍ട്ട്‌.
from kerala news edited
via IFTTT
