Story Dated: Friday, January 30, 2015 05:07
കടയ്‌ക്കാവൂര്‍: കഴിഞ്ഞ ക്രിസ്‌മസ്‌ ദിനത്തില്‍ അഞ്ചുതെങ്ങിലെ പൂന്തുറ, താഴമ്പള്ളി സ്‌ഥലങ്ങളിലെ ഇരുവിഭാഗങ്ങള്‍ തമ്മിലുണ്ടായ അടിപിടിയിലും കൊലപാതക ശ്രമത്തിലും ഉള്‍പ്പെട്ട പ്രതികള്‍ അഞ്ചുതെങ്ങ്‌ പോലീസ്‌ പിടിയിലായി.
പൂത്തുറ വെളുന്തറപുരയിടം വീട്ടില്‍ ക്ലിന്റണ്‍ (21), വടക്കേ അരയതുരുത്തി പുതുവല്‍ വീട്ടില്‍ അനീഷ്‌ എന്നുവിളിക്കപ്പെടുന്ന സബിന്‍ ക്രിസ്‌റ്റഫര്‍ (24) എന്നിവരെയാണ്‌ അറസ്‌റ്റ് ചെയ്‌തത്‌. അഞ്ചുതെങ്ങ്‌ പോലീസ്‌ സബ്‌ ഇന്‍സ്‌പെക്‌ടര്‍ ജി. സുഭാഷ്‌കുമാര്‍, സീനിയര്‍ സിവില്‍ പോലീസ്‌ ഓഫീസര്‍മാരായ ശരത്‌, ബൈജു, സിവില്‍ പോലീസ്‌ ഓഫീസര്‍മാരായ വിജു, അന്‍സാര്‍ എന്നിവരുള്‍പ്പെട്ട സംഘമാണ്‌ പ്രതികളെ പിടികൂടിയത്‌.
from kerala news edited
via IFTTT
